འདི་ནི་སྐྱིད་གྲོང་རྫོང་སྐྱིད་གྲོང་གྲོང་རྡལ་ཚོང་འདུས་གྲོང་ཚོའི་ཁོངས་གཏོགས་ཀྱི་རྟ་མན་རང་བྱུང་གྲོང་ཚོར་ས་གནས་ས་ཐོག་ཏུ་སྔོ་ཚལ་འདེབས་འཛུགས་ཀྱི་རྩལ་ནུས་གསོ་སྦྱོང་བྱེད་བཞིན་པ།

འདི་ལོ་ནས་བཟུང་། གཞིས་རྩེ་གྲོང་ཁྱེར་གྱིས་བྱེད་ཐབས་སྣ་མང་སྤྱད་དེ་ལས་རིགས་རྩལ་ནུས་རིམ་སྤོར་བྱ་སྤྱོད་སྤེལ་ཏེ་ངལ་རྩོལ་པའི་ལས་ཞུགས་ནུས་པ་ཕྱོགས་ཡོངས་ནས་ཆེ་རུ་བཏང་ཞིང་། འདི་ལོའི་ལོ་སྟོད་དུ་གྲོང་ཁྱེར་དེས་དངོས་སྤྱོད་རྩལ་ནུས་གསོ་སྦྱོང་དུས་ཐེངས ༢༡༣ གཉེར་ནས་མི ༧༥༨༢ གསོ་སྦྱོང་ལ་ཞུགས་པ་དང་། ལས་ཞུགས་ཐུབ་ཚད་བརྒྱ་ཆ ༩༠.༨༢ ཟིན་པ་རེད། ལས་ཀའི་ཁྲོད་སྦྱོང་བརྡར་གྱི་གསོ་སྦྱོང་དུས་ཐེངས ༦༡ གཉེར་བར་མི ༣༥༦༥ ལ་གསོ་སྦྱོང་བྱས་པ་དང་། མངཌ་ཐོ་རྣམ་པའི་ལས་གནས་གཏན་འཁེལ་གྱི་རྩལ་ནུས་གསོ་སྦྱོང་དུས་ཐེངས ༤༢ གཉེར་བར་མི ༡༨༣༦ ལ་གསོ་སྦྱོང་བྱས་པ་རེད། མཐོ་སློབ་སློབ་ཐོན་སློབ་མའི་ཇོ་རིའི་ལས་རིགས་དམིགས་བསལ་སྦྱོང་བརྡར་སྒར་ཐེངས ༡ གཉེར་ནས་མཐོ་སློབ་སློབ་ཐོན་སློབ་མ ༡༡༢ ལ་གསོ་སྦྱོང་བྱས་པ་རེད།།