མཇུག་སྒྲིལ་ཚོགས་འདུའི་ཚོགས་ར།

ཚེས ༡༠ ཉིན་གྱི་སྔ་དྲོ། མི་དམངས་ཚོགས་ཁང་ཆེ་མོར་རྒྱལ་ཡོངས་སྲིད་གྲོས་སྐབས་བཅུ་གསུམ་པའི་ཚོགས་འདུ་ཐེངས་ལྔ་པའི་མཇུག་སྒྲིལ་ཚོགས་འདུ་འཚོགས་པ་དང་། ཞི་ཅིན་ཕིང་སོགས་ཏང་དང་རྒྱལ་ཁབ་ཀྱི་འགོ་ཁྲིད་མི་སྣ་ཕེབས་ཡོད་པ་རེད།

རྒྱལ་ཡོངས་སྲིད་གྲོས་སྐབས་བཅུ་གསུམ་པའི་ཚོགས་འདུ་ཐེངས་ལྔ་པའི་མཇུག་སྒྲིལ་ཚོགས་འདུའི་ཐོག་རྒྱུན་ལས་ཨུ་ཡོན་ལྷན་ཁང་གི་ལས་དོན་སྙན་སྒྲོན་སྐོར་གྱི་སྲིད་གྲོས་སྐབས་བཅུ་གསུམ་པའི་རྒྱལ་ཡོངས་ཨུ་ཡོན་ལྷན་ཁང་གི་ཚོགས་འདུ་ཐེངས་ལྔ་པའི་གྲོས་ཆོད་དང་། སྲིད་གྲོས་སྐབས་བཅུ་གསུམ་པའི་ཚོགས་འདུ་ཐེངས་བཞི་པ་འཚོགས་ཚུན་གྱི་གྲོས་གཞིའི་ལས་དོན་བསྒྲུབས་ཚུལ་གྱི་སྙན་སྒྲོན་སྐོར་གྱི་སྲིད་གྲོས་སྐབས་བཅུ་གསུམ་པའི་རྒྱལ་ཡོངས་ཨུ་ཡོན་ལྷན་ཁང་གི་ཚོགས་འདུ་ཐེངས་ལྔ་པའི་གྲོས་ཆོད། སྲིད་གྲོས་སྐབས་བཅུ་གསུམ་པའི་ཚོགས་འདུ་ཐེངས་ལྔ་པའི་གྲོས་གཞིར་ཞིབ་བཤེར་བྱས་ཚུལ་སྐོར་གྱི་སྲིད་གྲོས་སྐབས་བཅུ་གསུམ་པའི་རྒྱལ་ཡོངས་ཨུ་ཡོན་ལྷན་ཁང་གྲོས་གཞི་ཨུ་ཡོན་ལྷན་ཁང་གི་སྙན་སྒྲོན། སྲིད་གྲོས་སྐབས་བཅུ་གསུམ་པའི་རྒྱལ་ཡོངས་ཨུ་ཡོན་ལྷན་ཁང་གི་ཚོགས་འདུ་ཐེངས་ལྔ་པའི་ཆབ་སྲིད་གྲོས་ཆོད་བཅས་ལ་གྲོས་འཆམ་བྱུང་བ་རེད།

མཇུག་སྒྲིལ་ཚོགས་འདུའི་ཚོགས་ར།

རྒྱལ་ཡོངས་སྲིད་གྲོས་སྐབས་བཅུ་གསུམ་པའི་ཚོགས་འདུ་ཐེངས་ལྔ་པར་གྲོས་གཞི ༥༩༧༩ འབྱོར་ཡོད། ཞིབ་བཤེར་བྱས་པ་བརྒྱུད། གྲོས་གཞི ༤༩༧༩ སྒྲུབ་ཁོངས་སུ་བཅུག་པ་དང་། གྲོས་གཞི ༣༥ ཟླ་སྒྲིལ་བཏང་བ། བསམ་འཆར་དང་གྲོས་འགོར་བསྒྱུར་བའི་གྲོས་གཞི ༩༦༥ ཡོད། སྒྲུབ་ཁོངས་སུ་བཅུག་པའི་གྲོས་གཞིའི་ནང་དཔལ་འབྱོར་འཛུགས་སྐྲུན་ཐད་ཀྱི་གྲོས་གཞི ༡༩༡༡ ཡོད་པ་དེས་བརྒྱ་ཆ ༣༨.༤ བཟུང་བ་དང་། ཆབ་སྲིད་འཛུགས་སྐྱོང་ཐད་ཀྱི་གྲོས་གཞི ༤༩༩ ཡོད་པ་དེས་བརྒྱ་ཆ ༡༠.༠ བཟུང་བ། རིག་གནས་འཛུགས་སྐྱོང་ཐད་ཀྱི་གྲོས་གཞི ༣༨༩ ཡོད་པ་དེས་བརྒྱ་ཆ ༧.༨ བཟུང་བ། སྤྱི་ཚོགས་འཛུགས་སྐྲུན་ཐད་ཀྱི་གྲོས་གཞི ༡༥༤༣ ཡོད་པ་དེས་བརྒྱ་ཆ ༣༡ .༠ བཟུང་བ། སྐྱེ་ཁམས་ཤེས་དཔལ་འཛུགས་སྐྱོང་ཐད་ཀྱི་གྲོས་གཞི ༦༣༡ ཡོད་པ་དེས་བརྒྱ་ཆ ༡༢.༣ བཟུང་བ། ཕྱོགས་གཞན་དག་ཐད་ཀྱི་གྲོས་གཞི ༢༤ ཡོད་པ་དེས་བརྒྱ་ཆ ༠.༥ བཟུང་བ་བཅས་རེད།

མཇུག་སྒྲིལ་ཚོགས་འདུའི་ཐོག་དམག་དཔུང་རོལ་ཆའི་རུ་ཁག་གིས་རོལ་ཆ་དཀྲོལ་བཞིན་པ།