རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཚེས ༢༦ ཉིན་ཐེ་ལན་གྱི་རྒྱལ་ཡུམ་ཧྲི་ལི་ཅི་སྐུ་གཤེགས་པའི་ཐད་ཐེ་ལན་གྱི་རྒྱལ་པོ་ཝ་ཅི་ལ་ལུང་ཀུང་ལ་མྱ་ངན་ཞུ་བའི་གློག་འཕྲིན་བཏང་གནང་བ་དང་། ཁོང་གིས་ཀྲུང་གོ་སྲིད་གཞུང་དང་ཀྲུང་གོ་མི་དམངས་ཀྱི་ཚབ་ཞུས་ཏེ་གདུང་སེམས་ཆེན་པོ་མྱ་ངན་ཞུས་པ་དང་། ཐེ་ལན་གྱི་རྒྱལ་པོ་ཚང་དང་། སྲིད་གཞུང་། མི་དམངས་བཅས་ལ་ལྷག་བསམ་དག་པའི་འཚམས་འདྲི་ཞུས་པ་རེད།

ཞི་ཅིན་ཕིང་གིས། རྒྱལ་ཡུམ་ཧྲེ་ལི་ཅིར་ཐེ་ལན་རྒྱལ་པོ་ཚང་དང་མི་དམངས་ཀྱི་སེམས་ནང་སྙན་གྲགས་ཆེན་པོ་ལྡན་ཡོད། ཁོང་གིས་ཀྲུང་གོ་དང་ཐེ་ལན་གྱི་མཛའ་གྲོགས་ཐུགས་སུ་བཅངས་ནས། དེའི་གོང་རྒྱལ་པོ་ཕུའུ་སྨི་ཕེང་གི་ཚབ་ཞུས་ནས་ཀྲུང་གོར་འཚམས་འདྲི་ཞུས་པ་དང་།  ཀྲུང་གོ་དང་ཐེ་ལན་ཁྱིམ་ཚང་གཅིག་ལྟར་བརྩེ་བའི་དམིགས་བསལ་མཛའ་གྲོགས་དར་སྤེལ་གཏོང་ཆེད་ལེགས་སྐྱེས་གལ་ཆེན་ཕུལ་ཡོད། ང་ཚོས་ཇི་སྲིད་བར་ཁོང་ལ་རྗེས་དྲན་ཞུ་རྒྱུ་ཡིན་ཞེས་བསྟན་གནང་ཡོད།།