རྟེན་འབྲེལ་འཕྲིན་ཡིག

ཞ་མོན་སློབ་ཆེན་བཙུགས་ནས་ལོ་ངོ་ ༡༠༠ འཁོར་བའི་དུས་འདིར། ངས་དགེ་སློབ་ལས་བཟོ་ཡོངས་དང་རྒྱལ་ཁབ་ཕྱི་ནང་གི་སློབ་གྲོགས་ཚོར་སྤྲོ་སེམས་འཁོལ་བའི་རྟེན་འབྲེལ་དང་ལྷག་བསམ་ཟོལ་མེད་ཀྱི་འཚམས་འདྲི་ཞུ་རྒྱུ་ཡིན།

ཞ་མོན་སློབ་ཆེན་ནི་གཟི་བརྗིད་ཀྱི་སྲོལ་རྒྱུན་ལྡན་པའི་སློབ་ཆེན་ཞིག་རེད། ལོ་ངོ་ ༡༠༠ ཡི་རིང་སློབ་གྲྭས་རྒྱལ་གཅེས་ཕྱིར་སྡོད་རང་མིའི་སྣེ་ཁྲིད་པ་སྐུ་ཞབས་ཁྲེན་ཅ་ཀེང་གི་སློབ་གཉེར་ཕུགས་འདུན་རྒྱུན་འཛིན་བྱས་ཏེ། རྒྱལ་གཅེས་དང་། གསར་བརྗེ། རང་གཅེས། ཚན་རིག་བཅས་ཀྱི་སློབ་སྲོལ་བཟང་པོ་གྲུབ་པ་དང་། སློབ་གཉེར་གྱི་ཁྱད་ཆོས་མངོན་གསལ་དོད་པོ་བཏོད་པ། ཕུལ་བྱུང་ཤེས་ལྡན་མི་སྣ་འབོར་ཆེན་གསོ་སྐྱོང་བྱས་ནས་རྒྱལ་ཁབ་འབྱོར་ཕྱུག་ལྡན་པ་དང་། མི་དམངས་བདེ་སྐྱིད་ལྡན་པ། ཀྲུང་ཧྭའི་རིག་གནས་ཕྱི་རྒྱལ་དུ་ཁྱབ་སྤེལ་བཅས་ཀྱི་ཆེད་ལེགས་སྐྱེས་ཧུར་ཐག་ཕུལ་ཡོད།

རང་རྒྱལ་ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པའི་རྒྱང་སྐྱོད་ལམ་གསར་པར་སྐྱོད་འགོ་ཚུགས་ཡོད། དེས་ན་སླད་ཕྱིན་ཞ་མོན་སློབ་ཆེན་གྱིས་ཏང་གི་སློབ་གསོའི་མཛད་ཕྱོགས་ཕྱོགས་ཡོངས་ནས་ལག་ལེན་བསྟར་ཏེ། ཀུན་སྤྱོད་ལ་བརྟེན་ནས་མི་སྐྱོང་བའི་རྩ་བའི་ལས་འགན་དོན་འཁྱོལ་ཏན་ཏིག་དང་། ཏང་གི་ཆེད་དུ་མི་གསོ་སྐྱོང་དང་རྒྱལ་ཁབ་ཀྱི་ཆེད་དུ་ཤེས་ལྡན་མི་སྣ་གསོ་སྐྱོང་། དུས་བསྟུན་འཕེལ་རྒྱས་ཀྱི་རྣམ་པར་བརྟེན་ནས་འཛམ་གླིང་གི་སློབ་ཆེན་རྩེ་གྲ་འཛུགས་སྐྱོང་། ས་ཁོངས་འཕེལ་རྒྱས་དང་རྒྱལ་ཁབ་ཀྱི་འཐབ་ཇུས་ལ་ཞབས་འདེགས་ཞུ་བའི་ནུས་པ་ཕྱོགས་ཡོངས་ནས་ཆེ་རུ་གཏོང་བ་བཅས་བྱས་ནས། ཀྲུང་ཧྭ་མི་རིགས་ཀྱི་གོང་བུ་འགྲིལ་ཤུགས་དང་བློ་ཁ་ཕྱོགས་ཤུགས་ཆེ་རུ་གཏོང་ཆེད་དང་། དེ་བཞིན་ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་དང་ཀྲུང་ཧྭ་མི་རིགས་རླབས་ཆེན་བསྐྱར་དར་གྱི་ཀྲུང་གོའི་ཕུགས་འདུན་མངོན་འགྱུར་བྱེད་ཆེད་ལེགས་སྐྱེས་གསར་པ་དེ་བས་ཆེ་བ་འབུལ་བའི་རེ་བ་ཡོད།

ཞི་ཅིན་ཕིང་ནས།

སྤྱི་ལོ ༢༠༢༡ ལོའི་ཟླ ༤ ཚེས ༦ ཉིན།

སྤྱི་ཚེས ༦ ཉིན་ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གིས་འཕྲིན་ཡིག་སྤྲིངས་ཏེ་ཞ་མོན་སློབ་ཆེན་བཙུགས་ནས་ལོ་ངོ་ ༡༠༠ འཁོར་བར་རྟེན་འབྲེལ་ཞུས་པ་མ་ཟད། ད་དུང་དགེ་སློབ་ལས་བཟོ་ཡོངས་དང་རྒྱལ་ཁབ་ཕྱི་ནང་གི་སློབ་གྲོགས་ཚོར་སྤྲོ་སེམས་འཁོལ་བའི་རྟེན་འབྲེལ་ཞུས་པ་དང་ལྷག་བསམ་ཟོལ་མེད་ཀྱི་འཚམས་འདྲི་གནང་བ་རེད།

ཞི་ཅིན་ཕིང་གིས་རྟེན་འབྲེལ་འཕྲིན་ཡིག་ནང་བསྟན་གནང་དོན། ཞ་མོན་སློབ་ཆེན་ནི་གཟི་བརྗིད་ཀྱི་སྲོལ་རྒྱུན་ལྡན་པའི་སློབ་ཆེན་ཞིག་རེད། ལོ་ངོ་ ༡༠༠ ཡི་རིང་སློབ་གྲྭས་རྒྱལ་གཅེས་ཕྱིར་སྡོད་རང་མིའི་སྣེ་ཁྲིད་པ་སྐུ་ཞབས་ཁྲེན་ཅ་ཀེང་གི་སློབ་གཉེར་ཕུགས་འདུན་རྒྱུན་འཛིན་བྱས་ཏེ། རྒྱལ་གཅེས་དང་། གསར་བརྗེ། རང་གཅེས། ཚན་རིག བཅས་ཀྱི་སློབ་སྲོལ་བཟང་པོ་གྲུབ་པ་དང་། སློབ་གཉེར་གྱི་ཁྱད་ཆོས་མངོན་གསལ་དོད་པོ་བཏོད་པ། ཕུལ་བྱུང་ཤེས་ལྡན་མི་སྣ་འབོར་ཆེན་གསོ་སྐྱོང་བྱས་ནས་རྒྱལ་ཁབ་འབྱོར་ཕྱུག་ལྡན་པ་དང་། མི་དམངས་བདེ་སྐྱིད་ལྡན་པ། ཀྲུང་ཧྭའི་རིག་གནས་ཕྱི་རྒྱལ་དུ་ཁྱབ་སྤེལ་བཅས་ཀྱི་ཆེད་ལེགས་སྐྱེས་ཧུར་ཐག་ཕུལ་ཡོད།

ཞི་ཅིན་ཕིང་གིས་ནན་བཤད་གནང་དོན། རང་རྒྱལ་ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པའི་རྒྱང་སྐྱོད་ལམ་གསར་པར་སྐྱོད་འགོ་ཚུགས་ཡོད། དེས་ན་སླད་ཕྱིན་ཞ་མོན་སློབ་ཆེན་གྱིས་ཏང་གི་སློབ་གསོའི་མཛད་ཕྱོགས་ཕྱོགས་ཡོངས་ནས་ལག་ལེན་བསྟར་ཏེ། ཀུན་སྤྱོད་ལ་བརྟེན་ནས་མི་སྐྱོང་བའི་རྩ་བའི་ལས་འགན་དོན་འཁྱོལ་ཏན་ཏིག་དང་། ཏང་གི་ཆེད་དུ་མི་གསོ་སྐྱོང་དང་རྒྱལ་ཁབ་ཀྱི་ཆེད་དུ་ཤེས་ལྡན་མི་སྣ་གསོ་སྐྱོང་། དུས་བསྟུན་འཕེལ་རྒྱས་ཀྱི་རྣམ་པར་བརྟེན་ནས་འཛམ་གླིང་གི་སློབ་ཆེན་རྩེ་གྲ་འཛུགས་སྐྱོང་། ས་ཁོངས་འཕེལ་རྒྱས་དང་རྒྱལ་ཁབ་ཀྱི་འཐབ་ཇུས་ལ་ཞབས་འདེགས་ཞུ་བའི་ནུས་པ་ཕྱོགས་ཡོངས་ནས་ཆེ་རུ་གཏོང་བ་བཅས་བྱས་ནས། ཀྲུང་ཧྭ་མི་རིགས་ཀྱི་གོང་བུ་འགྲིལ་ཤུགས་དང་བློ་ཁ་ཕྱོགས་ཤུགས་ཆེ་རུ་གཏོང་ཆེད་དང་། དེ་བཞིན་ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་དང་ཀྲུང་ཧྭ་མི་རིགས་རླབས་ཆེན་བསྐྱར་དར་གྱི་ཀྲུང་གོའི་ཕུགས་འདུན་མངོན་འགྱུར་བྱེད་ཆེད་ལེགས་སྐྱེས་གསར་པ་དེ་བས་ཆེ་བ་འབུལ་བའི་རེ་བ་ཡོད།

ཞ་མོན་སློབ་ཆེན་ནི་རྒྱལ་གཅེས་ཕྱིར་སྡོད་རང་མིའི་སྣེ་ཁྲིད་པ་སྐུ་ཞབས་ཁྲེན་ཅ་ཀེང་གིས ༡༩༢༡ ལོར་བཙུགས་པ་དང་ཀྲུང་གོའི་ཉེ་རབས་སློབ་གསོའི་ལོ་རྒྱུས་ཐོག་གི་ཕྱིར་སྡོད་རང་མིས་བཙུགས་པའི་སློབ་ཆེན་དང་པོ་དེ་རེད། ལོ་ངོ་ ༡༠༠ ཡི་རིང་སློབ་གྲྭས་འབད་བརྩོན་ལྷོད་མེད། ཡག་ཐོག་ཡག་བརྩེགས་ཀྱི་སློབ་གྲྭའི་གདམ་ཚིག་ནན་གྱིས་བསྲུངས་པའི་ཁར། རྒྱལ་ཁབ་དང་མི་དམངས་ལ་ཞབས་འདེགས་ཞུ་རྒྱུ་རང་གི་ཕྲག་ཏུ་ཁུར་ཏེ། སྔ་རྗེས་སུ་རྒྱལ་ཁབ་ལ་ཕུལ་བྱུང་ཤེས་ལྡན་མི་སྣ་ཁྲི ༤༠ ལྷག་ཙམ་གསོ་སྐྱོང་བྱས་ཡོད་ལ། སློབ་གཉེར་གྱི་ཁྱད་ཆོས་མངོན་གསལ་དོད་པོ་ཞིག་ཀྱང་གྲུབ་ཡོད། །