བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་བྱམས་བརྩེའི་ཐུགས་ཁུར་དང་རྒྱལ་ཡོངས་མི་དམངས་ཀྱི་མཛའ་བརྩེ་ཟབ་མོ་མཚོན་པར་བྱ་ཆེད།  བོད་ཞི་བས་བཅིངས་འགྲོལ་བཏང་ནས་ལོ་ངོ་ ༧༠ འཁོར་བར་རྟེན་འབྲེལ་ཞུ་བའི་མཛད་སྒོར་ཞུགས་མཁན་ཀྲུང་དབྱང་སྐུ་ཚབ་ཚོགས་པས་བོད་ལ་དྲན་རྟེན་དངོས་པོ་མང་པོ་སྤྲད་འདུག

དྲན་རྟེན་དངོས་པོ་དེ་དག་བོད་ཀྱི་མང་ཚོགས་ཀྱི་དངོས་ཡོད་དགོས་མཁོར་གཞིགས་ནས་མི་རིགས་ཀྱི་གོམས་སྲོལ་དང་མཐུན་པར་བྱས་ཏེ།  གོ་ཆོད་ལ་སྤུས་ཚད་ཀྱང་འགན་ལེན་བྱས་ཡོད།  དྲན་རྟེན་དངོས་པོ་ཁྱོན་སྣ་ཁ ༡༠ ཡོད་པའི་ནང་རྟེན་འབྲེལ་སྒོ་བན་དང་།  རྟེན་འབྲེལ་གོས་དར།  གཙོ་འཛིན་གྱི་སྐུ་པར།  གུ་གུ་ཤའི་ཡོ་བྱད།  གོས་འཁྲུད་འཕྲུལ་ཆས།  གློག་གི་བག་སླང་།  བདེ་ཐང་སྨན་ཁུག  ཁྲག་ཤེད་འཇལ་ཆས།  ཉལ་ཆས་ཆ་ཚང་།  སྒྲ་སྐྱེད་སྒམ།  དཔེ་དེབ་བཅས་ཡོད།

དྲན་རྟེན་དངོས་པོ་དེ་དག་བོད་རང་སྐྱོང་ལྗོངས་ཀྱི་རིམ་ཁག་ཏང་སྲིད་ལས་ཁུངས་དང་།  བོད་སྡོད་དཔུང་སྡེ།  ཁེ་ལས་དང་བྱ་གཞག་ཚན་པ།  གྲོང་ཚོ་གྲོང་ལྷན།  དགོན་སྡེ།  ནང་བསྟན་མཐུན་ཚོགས།  ནང་བསྟན་སློབ་གླིང་བཅས་ལ་ཕྱོགས་ནས་ཞིང་འབྲོག་མང་ཚོགས་དང་།  གྲོང་ཁྱེར་དང་གྲོང་རྡལ་གྱི་གྲོང་མི།  ལས་ཐོག་ལས་བྱེད་ལས་བཟོ།  བོད་སྡོད་བཅིངས་འགྲོལ་དམག  དྲག་ཆས་ཉེན་རྟོག་དཔོན་དམག  ཆོས་ལུགས་ལས་རིགས་མི་སྣ།  ལས་བྲལ་དང་རྒན་ཡོལ་ཞུས་པའི་ལས་བྱེད་ལས་བཟོ་སོགས་ལ་སྤྲོད་རྒྱུ་ཡིན་པ་རེད། །