ཀྲུང་དབྱང་དམག་ཨུད་ཀྱི་ཀྲུའུ་ཞི་ཞི་ཅིན་ཕིང་གིས་ཉིན་ཤས་གོང་བཀའ་རྒྱར་མཚན་རྟགས་བཀོད་ནས། ༼དམག་དོན་རིགས་པའི་གཞུང་ལུགས་ཀྱི་ལས་དོན་སྲོལ་ཡིག༽ཡོངས་བསྒྲགས་གནང་བ་དང་། ༢༠༢༦ ལོའི་ཟླ ༣ ཚེས ༡ ཉིན་ནས་བཟུང་ལག་བསྟར་བྱ་རྒྱུ་རེད།

༼སྲོལ་ཡིག་༽གིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་འཛིན་རྒྱུ་རྒྱུན་འཁྱོངས་དང་། ཞི་ཅིན་ཕིང་གི་དམག་དཔུང་སྟོབས་ཆེར་གཏོང་བའི་དགོངས་པ་ལག་བསྟར་གཏིང་ཟབ། དུས་རབས་གསར་པའི་དམག་དོན་འཐབ་ཇུས་བྱེད་ཕྱོགས་ལག་བསྟར་གཏིང་ཟབ་བཅས་བྱས་ཐོག དམག་དོན་རིགས་པའི་གཞུང་ལུགས་དེང་རབས་ཅན་དུ་འགྱུར་བར་སྐུལ་འདེད་མགྱོགས་པོ་གཏོང་རྒྱུ་དང་། དམག་དོན་རིགས་པའི་གཞུང་ལུགས་གསར་གཏོད་ཀྱི་རྩེ་རིམ་ཇུས་འགོད་འཐུས་སྒོ་ཚང་དུ་གཏོང་རྒྱུ། དམག་དོན་རིགས་པའི་གཞུང་ལུགས་ཀྱི་ཞིབ་འཇུག་རྣམ་པ་ལེགས་སུ་གཏོང་རྒྱུ། དམག་དོན་རིགས་པའི་གཞུང་ལུགས་བརྗེ་སྒྱུར་བེད་སྤྱོད་བྱེད་ཤུགས་ཆེ་རུ་གཏོང་རྒྱུ། ཀྲུང་གོའི་ཁྱད་ཆོས་ལྡན་པའི་དེང་རབས་དམག་དོན་རིགས་པའི་གཞུང་ལུགས་འཛུགས་སྐྱོང་བྱ་རྒྱུ་བཅས་ལ་དམིགས་ནས། དུས་རབས་གསར་པའི་རྒྱང་ལམ་གསར་པར་དམག་དོན་རིགས་པའི་གཞུང་ལུགས་ཀྱི་ལས་དོན་གྱི་གཞི་རྩའི་བླང་བྱ་དང་ལམ་ལུགས་ཀྱི་བཀོད་སྒྲིག་ཚན་རིག་དང་མཐུན་པའི་ངང་ཚད་ལྡན་དུ་བཏང་ཡོད་པས། དམག་དོན་རིགས་པའི་གཞུང་ལུགས་ཀྱི་ལས་དོན་སྤེལ་བའི་ཁྲིམས་སྲོལ་གྱི་གཞི་འཛིན་ས་གལ་ཆེན་ཞིག་ཡིན།

༼སྲོལ་ཡིག་༽དེར་ཁྱོན་ས་བཅད ༧ དང་དོན་ཚན ༥༢ ཡོད་པ་དང་། དམག་ཨུད་ཀྱིས་སྤྱིའི་དོ་དམ་བྱེད་པ་དང་། འཐབ་ཁུལ་གྱིས་གཙོ་འཐབ་བྱེད་པ། དམག་རིགས་ཀྱིས་གཙོ་འཛུགས་བྱེད་པ་བཅས་ཀྱི་སྤྱིའི་རྩ་དོན་གཞིར་བཟུང་། དམག་དོན་རིགས་པའི་གཞུང་ལུགས་ཀྱི་ལས་དོན་གྱི་དོ་དམ་སྒྲིག་གཞི་ཚད་ལྡན་དུ་བཏང་ཡོད་པ་དང་། དུས་རབས་གསར་པའི་དཔུང་སྡེའི་འཐབ་ཇུས་འཆར་འགོད་ཀྱི་མ་ལག་གཞིར་བཟུང་། དམག་དོན་རིགས་པའི་གཞུང་ལུགས་གོང་འཕེལ་གཏོང་བའི་འཐབ་ཇུས་དང་འཛུགས་སྐྲུན་གྱི་འཆར་འགོད། ལོ་འཁོར་གྱི་འཆར་གཞི་བཅས་ནང་དོན་གཙོ་བོ་དང་སྒྲིག་ཁོངས་ཡོངས་བསྒྲགས་བྱེད་པའི་འགྲོ་ལུགས་ཁ་གསལ་བཟོས་ཡོད་པ། ཏང་ཀྲུང་དབྱང་དང་ཀྲུང་དབྱང་དམག་ཨུད་ཀྱིས་གཅིག་བསྡུས་འགོ་ཁྲིད་བྱ་རྒྱུ་དང་དབང་ཆ་ཁག་གཅིག་འཐབ་ཁུལ་དང་དམག་རིགས་ལ་གཤམ་སྤྲོད་བྱ་རྒྱུ་གཉིས་ཟུང་དུ་སྦྲེལ་རྒྱུ་དང་རིགས་དབྱེ་ནས་དོ་དམ་བྱ་རྒྱུར་མཐོང་ཆེན་བྱས་ཡོད་པ། དམག་དོན་རིགས་པའི་གཞུང་ལུགས་ཀྱི་རྣམ་གྲངས་འཛུགས་པ་དང་། བརྗོད་གཞི་འདོན་པ། ལག་བསྟར་བྱེད་པ། ར་སྤྲོད་བྱེད་པ། རྩིས་ལེན་བྱེད་པ་སོགས་དོ་དམ་གྱི་སྦྲེལ་ཐག་ཧྲིལ་པོའི་ཐད་མ་ལག་ཅན་གྱི་ཚད་ལྡན་བཟོས་ཡོད་པ། དམག་སྟོབས་ཆེར་གཏོང་བའི་ལག་ལེན་ལ་ཚན་རིག་དང་མཐུན་པའི་རིགས་པའི་གཞུང་ལུགས་ཀྱི་འདེགས་སྐྱོར་དང་སྣེ་ཁྲིད་བྱ་རྒྱུར་དམིགས་ནས། དམག་དོན་རིགས་པའི་གཞུང་ལུགས་ཀྱི་གྲུབ་འབྲས་ཐོ་འགོད་མཉམ་སྤྱོད་དང་། གདེང་འཇོག་ཁས་ལེན། ཁྱབ་གདལ་བེད་སྤྱོད། ཕྱིར་འདེད་གདེང་འཇོག་སོགས་ཀྱི་བྱ་ཐབས་བླང་བྱ་ཁ་གསལ་བཟོས་ཡོད། ༼སྲོལ་ཡིག་༽ཡོངས་བསྒྲགས་ལག་བསྟར་བྱས་པ་དེས་དམག་དོན་རིགས་པའི་གཞུང་ལུགས་ལས་དོན་སྤུས་མཐོའི་གོང་འཕེལ་འགྲོ་རྒྱུར་ཁྲིམས་སྐྱོང་གི་འགན་ལེན་མཁོ་འདོན་བྱས་ཡོད་པ་རེད།།