ད་ལོ་གཞིས་རྩེ་གྲོང་ཁྱེར་གྱིས་འབྲུ་རིགས་ཀྱི་ཐོན་འབབ་འཕར་སྣོན་དང་ཞིང་ལས་ཀྱི་ལས་ཆོད་ཆེར་གཏོང༌། ཞིང་པའི་ཡོང་འབབ་འཕར་སྣོན་བཅས་ཡོང་བ་བྱེད་པའི་འབྲུ་རིགས་བདེ་འཇགས་འགན་སྲུང་གི་གཙོ་དོན་དང་བསྟུན་ནས། འགན་སྲུང་བྱ་ཐབས་ཁག་དོན་འཁྱོལ་ཡོང་རྒྱུར་དམ་འཛིན་ནན་པོ་བྱས་ཏེ། ཧི་མ་ལ་ཡ་ཨང་ ༢༢ དང་བོད་ནས་ཨང་ ༢༠༠༠ སོགས་ནས་ཀྱི་སོན་བཟང་རྒྱུད་སྤེལ་ཁྱབ་གདལ་བཏང་བར་བརྟེན་ནས། ལྗོངས་ཡོངས་ཀྱི་འབྲུ་རིགས་ཐོན་སྐྱེད་གོང་འཕེལ་བརྟན་པོ་ཡོང་བ་བྱས་ཡོད།

ངོ་སྤྲོད་བྱས་པར་གཞིགས་ན། སྤྱི་ལོ ༢༠༢༡ ལོར་གཞིས་རྩེ་གྲོང་ཁྱེར་གྱི་སྤྱིའི་ལོ་ཏོག་འདེབས་ཁྱོན་མུའུ་ཁྲི་ཚོ ༡༣༩ ཟིན་པ་དང་། གཙོ་གནད་འབྲུ་རིགས་ཐོན་ཁུལ་རྫོང་ ༼ ཆུས ༽བཅས་སུ་སྤུས་འབྲས་གཉིས་ལྡན་གྱི་འབྱུང་འཕྲོད་འབྲུ་རིགས་གསར་འཛུགས་དཔེ་སྟོན་མུའུ ༧༣ དང་། ས་དཔྱད་ལུད་སྦྱོར་དཔེ་སྟོན་མུའུ་ཁྲི་ཚོ ༧༨ ལེགས་སྒྲུབ་བྱས་པ་མ་ཟད། ནས་དང་དགུན་བྲོ། པད་ཁ། ཞོག་ཁོག་སོགས་ལོ་ཏོག་གཙོ་བོའི་སོན་བཟང་རྒྱུད་སྤེལ་རྟེན་གཞི་མུའུ ༦༢༦༠༠ ཡང་སྐྲུན་ཡོད།

རང་སྐྱོང་ལྗོངས་ཀྱིས་གཤམ་སྤྲོད་བྱས་པའི་ནས་ཀྱི་སོན་བཟང་ཁྱབ་གདལ་བཏང་བའི་དམིགས་ཚད་ལས་འགན་གཞིར་བཟུང་། གཞིས་རྩེས་ནས་ཀྱི་ཐོན་འབབ་འཕར་སྣོན་ལས་ཀའི་དམིགས་ཚད་དང་བསྟུན་ཏེ། ནས་ཀྱི་སོན་བཟང་ཧི་མ་ལ་ཡ་ཨང་ ༢༢ མུའུ་ཁྲི་ཚོ ༥༨ ཁྱབ་གདལ་ནུས་ལྡན་བཏང་བ་དང་། ནས་ཀྱི་སོན་བཟང་ཁྱབ་ཚད་བརྒྱ་ཆ ༩༦.༥ ཟིན་གྱི་ཡོད།།