ཉེ་བའི་ལོར། རང་ལྗོངས་ཀྱིས་ཞིང་འབྲོག་མང་ཚོགས་ཀྱི་ཆེད་ལས་མཉམ་ལས་ཁང་གོང་འཕེལ་ལ་སྐུལ་འདེད་གཏོང་རྒྱུ་དེ་ལས་དོན་གལ་ཆེན་ཞིག་ལ་བརྩིས་ཤིང་དམ་འཛིན་བྱས་ཐོག གོང་འཕེལ་མགྱོགས་སུ་གཏོང་བ་དང་ལེགས་གསོ་སྟོབས་སྤེལ་གྱི་ལས་ཀའི་གཙོ་གནད་གཉིས་ལ་དམ་པོར་དམིགས་ནས། བྱ་ཐབས་སྣ་ཚོགས་སྤྱད་དེ་ཞིང་འབྲོག་མང་ཚོགས་ཀྱི་ཆེད་ལས་མཉམ་ལས་ཁང་གི་ལས་དོན་ལ་ནུས་པ་ཧུར་ཐག་འདོན་རྒྱུར་སྐུལ་འདེད་བཏང་བ་དང་། ཞིང་འབྲོག་མང་ཚོགས་ཀྱི་ཡོང་འབབ་ཏན་ཏིག་ངང་འཕར་སྣོན་ཡོང་བ་བྱས་ནས། གྲོང་གསེབ་ཀྱི་ངལ་རྩོལ་ནུས་ཤུགས་ལྷག་མ་ལས་ཞུགས་གཞན་སྒྱུར་ཐུབ་རྒྱུར་སྐུལ་ཁྲིད་བྱས་ཡོད།།

གཞིས་རྩེ་གྲོང་ཁྱེར་དིང་རི་རྫོང་སྒང་དཀར་གྲོང་རྡལ་དབང་སྐྱོན་མི་སྣའི་མི་རིགས་ལག་ཤེས་མཉམ་ལས་ཁང་གི་ལས་དོན་མི་སྣས་མི་རིགས་ཀྱི་ཁྱད་ལྡན་ཡུལ་སྐོར་དྲན་རྟེན་ལས་སྣོན་བྱེད་བཞིན་པ།