ཉེ་བའི་ལོ་ཤས་རིང་། པ་སྣམ་རྫོང་གིས་ཁྱད་ལྡན་སྔོ་ཚལ་ཐོན་ལས་འཕེལ་རྒྱས་ཤུགས་ཆེན་བཏང་ནས། ལྷད་མེད་སྔོ་ཚལ་ཐོན་ལས་དང་ཞིང་འབྲོག་མང་ཚོགས། ལྷག་པར་དུ་མང་ཚོགས་དབུལ་པོའི་ཁེ་ཕན་སྦྲེལ་མཐུད་ལམ་སྲོལ་བཙུགས་ཏེ། མང་ཚོགས་དབུལ་པོ་རྣམས་རང་ས་རང་ཡུལ་ནས་ཁ་མི་བྲལ་བར་འབབ་འཕར་བརྟན་པོ་དང་། ལས་ཞུགས་བརྟན་པོ། ཕྱུག་འགྱུར་བརྟན་པོ་བཅས་ཡོང་བ་བྱས་ཡོད། མིག་སྔའི་བར་དུ། རྫོང་ཡོངས་ཀྱི་ཞིང་དུད ༧༠༠༠ ལྷག་ཙམ་ཁྲོད་ཀྱི་ཞིང་དུད ༣༠༠༠ ༼དེ་དག་ཁྲོད་དུད་ཚང་དབུལ་པོ ༢༤༡ ཡི་དུད་མི ༡༠༢༩ ཡོད་པ༽ལྷག་ཙམ་གྱིས་སྔོ་ཚལ་ཐོན་ལས་འཕེལ་རྒྱས་གཏོང་བའི་ཁྲོད་ཞུགས་ཡོད་པས། དུད་ཚང་རེར་ལོ་རེར་ཆ་སྙོམ་འབབ་འཕར་སྒོར་ཁྲི ༣ ཡན་བྱུང་ཡོད།

པ་སྣམ་རྫོང་ནོར་ཁྱུང་གྲོང་རྡལ་ནོར་ཁྱུང་གྲོང་ཚོའི་གྲོང་མི་ཕན་ཐོགས་ཀྱིས་པ་སྣམ་རྫོང་གྲོང་ཇོ་མོ་གླང་མ་དེང་རབས་ཞིང་ལས་ཚན་རྩལ་གསར་གཏོད་ལྡུམ་རར་རྩྭ་ལྡུམ་རྩི་ཤིང་ལ་གཅེས་གཡོག་བྱེད་བཞིན་པ།