སྤྱི་ཟླ་བཅུ་གཉིས་པའི་ཚེས ༢༡ ནས ༢༦ ཉིན་བར། རང་ལྗོངས་ཀྱིས་ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པ་དང་རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་དགོངས་དོན་སྒྲོག་འགྲེལ་བྱེད་མཁན་གཞི་རིམ་སྒྲོག་འགྲེལ་པའི་སྦྱོང་བརྡར་འཛིན་གྲྭ་གཉེར་བ་རེད།

ཤེས་རྟོགས་བྱས་པར་གཞིགས་ན། རང་ལྗོངས་སུ་གཞི་རིམ་སྒྲོག་འགྲེལ་པ་ཁྲི ༡ ལྷག་ཙམ་ཡོད་པ་དེ་དག་ནི་ཚོགས་འདུའི་དགོངས་དོན་ཚང་མར་ཤེས་པ་བྱེད་པའི་སྟོབས་ཤུགས་གལ་ཆེན་ཞིག་རེད།  གཞི་རིམ་སྒྲོག་འགྲེལ་པའི་འགན་སེམས་དང་རང་འགུལ་ཆེ་རུ་བཏང་ཐོག་སྒྲོག་འགྲེལ་ནུས་པ་ཆེ་རུ་དང་ཆུ་ཚད་མཐོ་རུ་བཏང་སྟེ། གཞི་རིམ་སྒྲོག་འགྲེལ་ལས་དོན་སྔར་བས་ལེགས་པར་སྒྲུབ་རྒྱུར་རྨང་གཞི་བརྟན་པོ་འདིང་ཆེད། ད་ཐེངས་ཀྱི་སྦྱོང་བརྡར་ནང་ཕུལ་བྱུང་དགེ་རྒན་གདན་ཞུས་བྱས་ནས་ཟུར་ཁྲིད་དང་ཕན་ཚུན་སྤེལ་རེས་བྱེད་པ། གཟིགས་སྐོར་སློབ་སྦྱོང་བྱེད་པ་སོགས་ཀྱི་རྣམ་པའི་ཐོག་ནས་གཞི་རིམ་ཕུལ་བྱུང་སྒྲོག་འགྲེལ་པ ༢༨༢ ལ་སློབ་ཚན་ཁྲིད་ཡོད།

སྦྱོང་བརྡར་མཇུག་སྒྲིལ་རྗེས་རྒྱ་ཆེའི་གཞི་རིམ་སྒྲོག་འགྲེལ་པས་ཞིང་འབྲོག་ཁུལ་དང་།  མཐའ་མཚམས་ཁུལ་སོགས་སུ་ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པ་དང་རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་དགོངས་དོན་སྒྲོག་འགྲེལ་བྱེད་པར་སྐྱོད་རྒྱུ་རེད།།