ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ནས་ཀྲུང་དབྱང་བརྙན་འཕྲིན་ལས་ཁུངས་ཀྱི་མྱུར་དཔྱད་འགོ་བརྗོད་དུ་སྒོ་ཀུན་ནས་དུས་རབས་གསར་པའི་ཏང་གི་བོད་སྐྱོང་འཐབ་ཇུས་ཡུན་རིང་རྒྱུན་འཁྱོངས་བྱེད་དགོས་ཞེས་པ་སྤེལ་ཡོད།

མྱུར་དཔྱད་ནང་། རྒྱལ་ཁབ་སྐྱོང་བར་སྔོན་ལ་མཐའ་མཚམས་སྐྱོང་བ་དང་། མཐའ་མཚམས་སྐྱོང་བར་སྔོན་ལ་བོད་ལྗོངས་བརྟན་ལྷིང་ཡོང་བ་བྱེད་དགོས། བོད་ལྗོངས་ནི་དམིགས་བསལ་གྱི་མཐའ་མཚམས་མི་རིགས་ས་ཁུལ་ཞིག་རེད། མིག་སྔའི་རྒྱལ་ཁབ་ཕྱི་ནང་གི་དུས་བབ་རྙོག་རྫིང་ཆེ་ཞིང་། ཁ་བྲལ་ལ་ངོ་རྒོལ་བྱེད་པའི་འཐབ་རྩོད་ལས་འགན་དཀའ་ཚེགས་ཆེན་པོ་ཡོད་པས། རྒྱལ་ཁབ་ཀྱི་བདེ་འཇགས་སྲུང་ར་གལ་ཆེན་དུ་གྱུར་བའི་བོད་ལྗོངས་ཉིད་སྲུང་སྐྱོང་ཡག་པོ་བྱས་ཚེ་གཞི་ནས་ས་གནས་དེ་རང་དང་ཐ་ན་རྒྱལ་ཡོངས་ཀྱི་དཔལ་འབྱོར་གོང་འཕེལ་དང་དམངས་འཚོ་ལེགས་བཅོས་ཐད་ཕན་ཡོད་མཐུན་རྐྱེན་སྐྲུན་ཐུབ། ང་ཚོས་ངེས་པར་དུ་ལངས་ཕྱོགས་མཐོར་གཏོང་དང་། རིག་པ་དྭངས་གསལ། བསམ་བློའི་ཐོག་ལྷོད་གཡེང་མི་ཤོར་བ་བཅས་བྱས་ཏེ། མང་ཚོགས་སློབ་གསོ་དང་། ལོ་རྒྱུས་སློབ་གསོ། སློབ་གྲྭའི་སློབ་གསོ། རིག་གནས་མཉམ་འདྲེས་སོགས་ཀྱི་ཐད་ལས་དོན་སྤུས་ལེགས་ཞིབ་ཚགས་བསྒྲུབ་སྟེ། རྒྱུན་ཆད་མེད་པར་མི་སེམས་གཅིག་སྒྲིལ་དང་། ཀྲུང་ཧྭ་མི་རིགས་ཀྱི་གཅིག་མཐུན་མ་ལག་འདུ་ཤེས་བརྟན་འཛུགས་བྱས་ཐོག མི་རིགས་མཐུན་སྒྲིལ་དང་མཐའ་མཚམས་བརྟན་ལྷིང་ཡོང་རྒྱུར་སྐུལ་འདེད་ཏན་ཏིག་གཏོང་དགོས་ཞེས་འཁོད་ཡོད།།