སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་སྐོར་ཞིབ་ལས་དོན་སྐོར་གྱི་རྣམ་བཤད་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ། སྐོར་ཞིབ་དག་ཐེར་དང་གྲུབ་འབྲས་བེད་སྤྱོད་ལ་རྒྱུན་སྲིང་ལྷོད་མེད་ངང་དམ་འཛིན་ཡག་པོ་བྱས་ནས། སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་འཛུགས་སྐྲུན་ཆེད་འགན་སྲུང་ནུས་ལྡན་བྱེད་དགོས།

བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་ཟླ ༨ ཚེས ༢༧ ཉིན་གནས་ཚུལ་འབྱོར་གསལ། ཟླ ༨ ཚེས ༢༦ ཉིན། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཝང་ཅུན་ཀྲེང་གིས་རང་སྐྱོང་ལྗོངས་ཏང་ཨུད་རྒྱུན་ལས་ཨུ་ལྷནརྒྱ༿་ཆེ༾གྱི་ཚོགས་འདུ་འཚོགས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་སྐོར་ཞིབ་ལས་དོན་སྐོར་གྱི་རྣམ་བཤད་གལ་ཆེན་སློབ་སྦྱོང་ནན་ཏན་གནང་བ་དང་། རང་སྐྱོང་ལྗོངས་ཏང་ཨུད་སྐབས་བཅུ་པའི་རེས་སྐོར་ལྔ་པའི་སྐོར་ཞིབ་དག་ཐེར་དང་རེས་སྐོར་བདུན་པའི་སྐོར་ཞིབ་གནས་ཚུལ་སྐོར་གྱི་སྙན་སེང་གསན་ནས། གོམ་སྟབས་རྗེས་མའི་ལས་དོན་བཀོད་སྒྲིག་གནང་བ་རེད།

ཝང་ཅུན་ཀྲེང་གིས་བསྟན་དོན། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་སྐོར་ཞིབ་ལས་དོན་ལ་ཚད་མཐོའི་མཐོང་ཆེན་གནང་བ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་སྐུ་ངོ་མས་སྐོར་ཞིབ་ལས་དོན་ལ་ཇུས་འགོད་དང་། བཀོད་སྒྲིག སྐུལ་འདེད་བཅས་བཏང་གནང་སྟེ། གསུང་བཤད་གལ་ཆེན་དང་མཛུབ་སྟོན་གལ་ཆེན་རབ་དང་རིམ་པ་གནང་བས། ང་ཚོས་སྐོར་ཞིབ་ལས་དོན་ཡག་པོ་སྒྲུབ་པར་མདུན་སྐྱོད་ཀྱི་ཁ་ཕྱོགས་གསལ་སྟོན་དང་རྩ་བའི་གཞི་འཛིན་ས་མཁོ་འདོན་གནང་ཡོད། ལྗོངས་ཡོངས་ཀྱི་རིམ་པ་ཁག་དང་སྡེ་ཚན་ཁག་གིས་གཏན་འཁེལ་གཉིས་ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་གཏིང་ཟབ་བླངས་ནས། འདུ་ཤེས་བཞི་ཟབ་ཏུ་གཏོང་བ་དང་། གདེང་ཚོད་བཞི་བརྟན་དུ་གཏོང་བ། སྲུང་སྐྱོང་གཉིས་ཐུབ་པར་བྱས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་སྐོར་ཞིབ་ལས་དོན་སྐོར་གྱི་རྣམ་བཤད་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། ཆབ་སྲིད་སྐོར་ཞིབ་ཀྱི་ངེས་གནས་བརྟན་པོར་སྲུང་བ། ལྟེ་བར་དམིགས་པ་དང་སྤྱི་ཡོངས་ལ་ཞབས་འདེགས་ཞུས་ནས་ཆབ་སྲིད་ཀྱི་ལྟ་སྐུལ་བྱེད་ཤུགས་མུ་མཐུད་ཆེ་རུ་གཏོང་བ། སྐོར་ཞིབ་ཀྱི་སྤུ་གྲིའི་ནུས་པ་ཡག་པོ་འདོན་པ། ཞིབ་བཤེར་ལྔ་དང་ལྟ་ཞིབ་ལྔའི་ལས་ཀའི་བྱེད་ཐབས་ཡག་པོ་སྤྱོད་པ། སྐོར་ཞིབ་ཀྱི་རྗེས་མཐུད་ལས་དོན་ཡག་པོ་སྒྲུབ་པ་བཅས་བྱས་ཏེ། སྐོར་ཞིབ་ཀྱིས་དག་ཐེར་ལ་སྐུལ་འདེད་གཏོང་བ་དང་། སྐོར་ཞིབ་ཀྱིས་འཛུགས་སྐྱོང་ལ་སྐུལ་འདེད་གཏོང་བ། སྐོར་ཞིབ་ཀྱིས་བཅོས་སྒྲིག་ལ་སྐུལ་འདེད་གཏོང་བ་བཅས་རྒྱུན་ཆད་མེད་པར་གཏིང་ཟབ་ཏུ་བཏང་ནས། སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་འཛུགས་སྐྲུན་ལ་འགན་སྲུང་ནུས་ལྡན་བྱེད་དགོས།

ཝང་ཅུན་ཀྲེང་གིས་ནན་བཤད་གནང་དོན། གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་ཀྱིས་འགན་འཁྲི་ནན་དུ་དང་ཚགས་དམ་དུ་བཏང་སྟེ། དག་ཐེར་གྱི་ལས་འགན་དོན་ཐོག་ཏུ་འཁྱོལ་བར་མུ་མཐུད་སྐུལ་འདེད་གཏོང་དགོས། མཐོ་ས་ནས་སྐུལ་འདེད་གཏོང་བར་ཤུགས་སྣོན་རྒྱག་དགོས་ཤིང་། འགོ་ཁྲིད་ལས་བྱེད་པས་དག་ཐེར་གྱི་ལས་འགན་ལ་འགོ་ཁྲིད་དང་། ཞིབ་བཤེར། ལྟ་སྐུལ་བཅས་བྱེད་ཤུགས་ཆེ་རུ་བཏང་སྟེ། གོང་གིས་འོག་ལ་སྣེ་ཁྲིད་དང་གོང་འོག་མཉམ་འགུལ་གྱིས་དག་ཐེར་ལ་དམ་འཛིན་བྱེད་པའི་མཉམ་ཤུགས་ཆེན་པོ་ཆགས་པར་སྐུལ་འདེད་གཏོང་དགོས། བྱེད་པོའི་འགན་འཁྲིར་ཤུགས་སྣོན་རྒྱག་དགོས་ཤིང་། སྐོར་ཞིབ་བྱ་ཡུལ་ཏང་རྩ་འཛུགས་ཀྱི་འགན་འཁུར་བ་གཙོ་བོས་འགན་འཁུར་བ་དང་པོའི་འགན་འཁྲི་མཐའ་གཅིག་ཏུ་ཁུར་བ་དང་ཚན་ཁག་གི་ཁོངས་མིས་ལས་གནས་གཅིག་ལ་འགན་འཁྲི་གཉིས་ནན་ཏན་གྱིས་ལག་བསྟར་བྱས་ཏེ་ཞིབ་འཇུག་འཆར་འགོད་དང་། སྤྱི་འདོམས་མཐུན་སྦྱོར། དག་ཐེར་དོན་འཁྱོལ་བཅས་ལ་ཤུགས་སྣོན་རྒྱག་དགོས། ལྟ་སྐུལ་གྱི་འགན་འཁྲིར་ཤུགས་སྣོན་རྒྱག་དགོས་ཤིང་། གཙོ་ཆེའི་མི་དང་། གཙོ་ཆེའི་བྱ་བ། གཙོ་ཆེའི་གནད་དོན་བཅས་དང་འགག་རྩའི་ལྷུ་ཚིགས་ལ་དམ་པོར་དམིགས་ཏེ་གཟབ་ནན་ཏན་ཏིག་དང་དམ་འཛིན་མཐའ་གཅིག་ཏུ་བྱེད་པ་དང་། གྱོད་དཔེ་དྲངས་ནས་ཉེན་བརྡའི་སློབ་གསོ་གཏོང་བ། དེ་བཞིན་ལྟ་སྐུལ་བྱེད་རིང་དག་ཐེར་ཡག་པོ་མ་བྱུང་བ་དང་། ཁྲལ་སེལ་སླ་བཅོས་བྱེད་པ། དག་ཐེར་བྱེད་ཁུལ་བྱེད་པ་བཅས་ཀྱི་རིགས་ལ་འགན་འཁྲི་བདའ་འདེད་ནན་པོ་གཏོང་དགོས། གྲུབ་འབྲས་བེད་སྤྱོད་ལ་ཤུགས་སྣོན་རྒྱག་དགོས་ཤིང་། འཕྲལ་དུ་དག་ཐེར་བྱ་རྒྱུར་ཤུགས་སྣོན་རྒྱག་དགོས་ལ་ཡུན་རིང་འཛུགས་པར་དམིགས་པ་དང་། ཟུར་བསྟན་ལེབ་མཐོང་དང་རྩ་ལག་མཉམ་བཅོས་བྱེད་པ། རྒྱུན་རྣམ་དང་ཕུགས་ཕན་གྱི་ལམ་ལུགས་དང་ལམ་སྲོལ་འཐུས་སྒོ་ཚང་དུ་རྒྱུན་ཆད་མེད་པར་གཏོང་བ་བཅས་བྱས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་ཏང་ཀྲུང་དབྱང་གི་ཐབས་ཇུས་བཀོད་སྒྲིག་གངས་ལྗོངས་ས་མཐོར་རྩ་བ་ཚུགས་ནས་འབྲས་བུ་འདོགས་པར་བྱེད་དགོས།

ཝང་ཅུན་ཀྲེང་གིས། བརྒྱུད་རིམ་ལྡན་པའི་ལྟ་བ་མཐའ་འཁྱོངས་ཀྱིས་ཕྱོགས་བསྡུས་ལྟ་སྐུལ་བྱེད་ཤུགས་ཆེ་རུ་བཏང་ནས། སྐོར་ཞིབ་ལས་དོན་སྤེལ་སྟངས་སྔར་བས་འཐུས་སྒོ་ཚང་དུ་གཏོང་དགོས། གོང་འོག་མཉམ་འགུལ་གཏིང་ཟབ་ཏུ་གཏོང་དགོས་ཤིང་། རང་སྐྱོང་ལྗོངས་ཏང་ཨུད་སྐོར་ཞིབ་ལས་ཁུངས་ཀྱིས་ལས་ཀའི་མཛུབ་ཁྲིད་ལ་ཤུགས་སྣོན་བརྒྱབ་ཐོག རིམ་ཁག་ཏང་ཨུད་ཀྱིས་ལས་ཀའི་འགན་འཁྲི་ནན་དུ་གཏོང་བ་དང་། ལས་ཀའི་ལམ་སྲོལ་འཐུས་སྒོ་ཚང་དུ་གཏོང་བ། འགན་འཁྲིའི་མ་ལག་འཐུས་སྒོ་ཚང་དུ་གཏོང་བ་བཅས་བྱས་ནས། དག་ཐེར་དོན་འཁྱོལ་དང་གྲུབ་འབྲས་བེད་སྤྱོད་ལ་དམ་འཛིན་ཡག་པོ་དང་མི་དམངས་མང་ཚོགས་ཀྱི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཀྱི་གནད་དོན་ཐག་གཅོད་བྱེད་ཤུགས་ཆེ་རུ་གཏོང་དགོས། ཁྱབ་ཆེའི་འབྲེལ་མཐུད་བྱེད་ཤུགས་ཆེ་རུ་གཏོང་དགོས་ཤིང་། སྐོར་ཞིབ་དེ་ལྟ་ཞིབ་དང་། སྒྲིག་བཤེར་ལྟ་ཞིབ། རྩ་འཛུགས་ལྟ་སྐུལ་བཅས་དང་འབྲེལ་མཐུད་མཐུན་སྦྱོར་བྱེད་ཟབ་ཏུ་གཏོང་བ་དང་། རྩིས་བཤེར་དང་། ནོར་སྲིད། བསྡོམས་རྩིས་སོགས་སྡེ་ཚན་གྱི་ཆེད་ལས་སྟོབས་ཤུགས་དང་ལྟ་སྐུལ་གྲུབ་འབྲས་སྤྱད་དེ། སྲིད་ཁྲིམས་དང་ཡིག་འབུལ་ཞུ་བཅར་སོགས་སྡེ་ཚན་དང་མཉམ་ལས་གཞོགས་འདེགས་བྱེད་ཤུགས་ཆེ་རུ་བཏང་ནས། ལྟ་སྐུལ་གྱི་མཉམ་ཤུགས་ཆགས་པ་དང་ལས་ཀའི་སྤུས་ཚད་དང་ཕན་འབྲས་ཆེ་རུ་གཏོང་དགོས། ཟུང་འབྲེལ་དང་མཉམ་འདྲེས་ཡག་པོ་ཡོང་བར་བྱེད་དགོས་ཤིང་། སྐོར་ཞིབ་ལས་དོན་དེ་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོ་དང་ཟུང་འབྲེལ་བྱས་ནས། སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་ནན་པོ་བྱེད་པ་དང་། ངན་རུལ་མཉམ་བཤེར་དང་མཉམ་བཅོས་གཏིང་ཟབ་བྱེད་པ། ཕྱི་ཚུལ་རིང་ལུགས་བཅོས་སྒྲིག་གིས་གཞི་རིམ་གྱི་ཁུར་པོ་ཡང་དུ་གཏོང་བ་བཅས་བྱས་ཏེ། སྐོར་ཞིབ་ཀྱི་གྲུབ་འབྲས་དག་མི་རིགས་ཁག་གི་མང་ཚོགས་ཀྱིས་མིག་མཐོང་ལག་ཟིན་ཐུབ་པའི་ཕན་འབྲས་དངོས་སུ་བསྒྱུར་ཏེ། སྤྱོད་ཚུལ་བཟང་པོར་བརྟེན་ནས་བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཡོང་བར་འགན་སྲུང་བྱེད་དགོས་པའི་ནན་བཤད་གནང་བ་རེད།།