སྤྱི་ཚེས ༡༩ ཉིན་གྱི་ཕྱི་དྲོ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཨན་ཧུའེ་ཞིང་ཆེན་ཧོ་ཧྥེ་གྲོང་ཁྱེར་དུ་རྟོག་ཞིབ་དང་བརྟག་ཞིབ་གནང་ཡོད། ཁོང་གིས་ཧྥེ་ཏུང་རྫོང་ཧྲེ་པ་ལན་ཡུས་འབྱུང་ཁམས་འདམ་རའི་ཆུ་ལོག་གསོག་ཁུལ་ཁྲའོ་ཧུའུ་མཚེའུའི་ཆུ་རགས་ཆེན་པོའི་ལོའོ་ཅ་ཐུང་དུམ་བུར། ཁྲའོ་ཧུའུ་མཚེའུའི་ཆུ་ཁ་རྒྱས་ཚུལ་ཐད་གཟིགས་ཞིབ་གནང་བ་དང་། འབྲུབ་འགོག་ཞོད་འགོག་ཀྱི་འཐབ་ས་དང་པོའི་མི་སྣ་དང་། སྔོན་ཐོན་དཔེ་བཟང་མི་སྣའི་འཐུས་མི། དེ་བཞིན་ཞོད་འགོག་ཉེན་སྐྱོབ་ཀྱི་ལས་དོན་ནང་ཞུགས་མཁན་བཅིངས་འགྲོལ་དམག་དང་། དྲག་ཆས་ཉེན་རྟོག་དཔུང་སྡེའི་དཔོན་དམག་བཅས་ལ་འཚམས་འདྲི་གནང་ཡོད། དེ་ཉིན་ཕྱི་དྲོ། ཞི་ཅིན་ཕིང་གིས་ད་དུང་ཧོ་ཧྥེ་རུ་གསར་གཏོད་འགྲེམས་སྟོན་ཁང་དང་ཏུའུ་ཅང་གཡུལ་འགྱེད་དྲན་གསོ་ཁང་དུ་རྟོག་ཞིབ་གནང་ནས། ཨན་ཧུའེ་ཞིང་ཆེན་གྱི་ཚན་རྩལ་གསར་གཏོད་དང་གསར་དར་ཐོན་ལས་གོང་འཕེལ་གནས་ཚུལ་ཐད་མཁྱེན་རྟོགས་གནང་བ་དང་། གསར་བརྗེའི་ལོ་རྒྱུས་ལ་ཕྱིར་དྲན་དང་། གསར་བརྗེའི་སྔོན་བྱོན་པར་རྗེས་དྲན་ཞུས་གནང་ཡོད།།