སྤྱི་ཚེས ༡༣ ཉིན་གྱི་ཕྱི་དྲོ། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཞི་ཁྲོན་རྫོང་དུ་ཕེབས་ནས། སྔ་རྗེས་སུ་ཐའོ་ཁྲ་ཆུ་ཡུར་དང་པོའི་འགག་གནས་ལས་གྲྭ་དང་། ཏན་ཅང་ཁོའུ་ཆུ་མཛོད། ཅིའུ་ཁྲུང་གྲོང་རྡལ་ཙོའུ་ཀྲོང་གྲོང་ཚོ་བཅས་སུ་རྟོག་ཞིབ་གནང་བ་དང་། ལྷོ་ཆུ་བྱང་འདྲེན་གྱི་དབུས་ཐིག་ལས་གྲྭ་འཛུགས་སྐྲུན་དོ་དམ་འཁོར་རྒྱུག་དང་ཆུ་འགོའི་སྐྱེ་ཁམས་སྲུང་སྐྱོབ་སོགས་ཀྱི་གནས་ཚུལ་ངོ་སྤྲོད་གནང་བར་གསན་པ་དང་། ལྷོ་ཆུ་བྱང་འདྲེན་གྱི་གནས་སྤོས་ཡུལ་མི་བཀོད་སྒྲིག་བྱས་ཚུལ་དང་། ཁྱད་ལྡན་ཐོན་ལས་གོང་འཕེལ་གཏོང་ཚུལ། གནས་སྤོས་ཡུལ་མིའི་ཡོང་འབབ་འཕར་སྣོན་འགྲོ་རྒྱུར་སྐུལ་འདེད་གཏོང་ཚུལ་སོགས་ཀྱི་གནས་ཚུལ་མཁྱེན་རྟོགས་གནང་བ་རེད།  ཕེབས་ལམ་དུ། ཞི་ཅིན་ཕིང་གིས་རླངས་འཁོར་ལས་ཡང་སེ་བབས་གནང་སྟེ་གྲོ་ཞིང་གི་གྲོའི་སྐྱེ་ཚུལ་ལ་གཟིགས་པ་དང་། དབྱར་འབྲུའི་ཐོན་སྐྱེད་གནས་ཚུལ་ཐད་མཁྱེན་རྟོགས་གནང་བ་རེད།