སྤྱི་ཚེས ༢༠ ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཧྲན་ཏུང་ཞིང་ཆེན་ཏུང་ཡིང་གྲོང་ཁྱེར་དུ་རྨ་ཆུ་རྒྱ་མཚོར་བཞུར་ཁར་རྟོག་ཞིབ་གནང་བ་རེད། ཉིན་དེའི་ཕྱི་དྲོ། ཁོང་རྨ་ཆུ་རྒྱ་མཚོར་བཞུར་ཁའི་གྲུ་ཁ་དང་། རྨ་ཆུའི་ཟུར་གསུམ་གླིང་གི་སྐྱེ་ཁམས་ལྟ་ཞིབ་ཚད་ལེན་ལྟེ་གནས། རྨ་ཆུའི་ཟུར་གསུམ་གླིང་གི་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་བཅས་སུ་ཕེབས་ནས་རྨ་ཆུའི་ཆུ་ལམ་གྱི་ཆུ་བབ་དང་རྨ་ཆུའི་ཟུར་གསུམ་གླིང་གི་འདམ་རའི་སྐྱེ་ཁམས་ཁོར་ཡུག་ལ་ས་གནས་ས་ཐོག་ཏུ་གཟིགས་ཞིབ་གནང་བ་དང་། རྨ་ཆུའི་འབབ་རྒྱུད་ཀྱི་སྐྱེ་ཁམས་སྲུང་སྐྱོང་དང་སྤུས་མཐོའི་འཕེལ་རྒྱས་སོགས་ཀྱི་གནས་ཚུལ་མཁྱེན་རྟོགས་གནང་ཡོད་པ་རེད།།