ཚེས ༢༨ ཉིན་ནས ༢༩ ཉིན་བར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཧྲང་ཧའེ་གྲོང་ཁྱེར་དུ་རྟོག་ཞིབ་བརྟག་ཞིབ་གནང་བ་རེད། ཁོང་གིས་སྔ་རྗེས་སུ་ཧྲང་ཧའེ་ཡི་དུས་བཅད་ཚོང་ཟོག་བརྗེ་ཚོང་ཁང་དང་། ཧྲང་ཧའེ་ཡི་ཚན་རྩལ་གསར་གཏོད་གྲུབ་འབྲས་འགྲེམས་ཁུལ། རྨིན་ཧེང་ཆུས་ཀྱི་དུས་རབས་གསར་པའི་གྲོང་ཁྱེར་འཛུགས་སྐྲུན་པ་དང་དོ་དམ་པའི་ཁྱིམ་གཞིས་བཅས་ལ་གཟིགས་ཞིབ་གནང་བ་དང་། ཧྲང་ཧའེ་ཡིས་རྒྱལ་སྤྱིའི་དངུལ་རྩ་ལྟེ་གནས་ཀྱི་འགྲན་རྩོད་ནུས་པ་ཤུགས་ཆེར་གཏོང་བ་དང་། རྒྱལ་སྤྱིའི་ཚན་རྩལ་གསར་གཏོད་ལྟེ་གནས་འཛུགས་སྐྲུན་ལ་སྐུལ་འདེད་གཏོང་བ། འགན་སྲུང་རང་བཞིན་གྱི་བོགས་གཏོང་སྡོད་ཁང་འཛུགས་སྐྲུན་སོགས་ཀྱི་གནས་ཚུལ་ཐད་མཁྱེན་རྟོགས་གནང་ཡོད་པ་རེད། །