ལྗོངས་ཐད་གཏོགས་ལས་ཁུངས་ཀྱི་ཏང་གི་ལས་དོན་ཚོགས་འདུ་ཉེ་དུས་ལྷ་སར་འཚོགས་པ་དང་། ལྗོངས་ཏང་ཨུད་ཀྱི་རྒྱུན་ལས་ཨུ་ཡོན། དྲུང་ཡིག་ཆེ་མོ། ལྗོངས་ཐད་གཏོགས་ལས་ཁུངས་ལས་དོན་ཨུ་ཡོན་ལྷན་ཁང་གི་ཧྲུའུ་ཅི་ལིའུ་ཅང་ཚོགས་འདུར་ཕེབས་པ་མ་ཟད་གསུང་བཤད་ཀྱང་གནང་བ་རེད།

ལིའུ་ཅང་ནས་ད་ལོ་ནི་ལོ་ལྔ་ཚན་བཅུ་བཞི་པའི་འགོ་ཚུགས་ལོ་དང་། ཏང་དབུ་བརྙེས་ནས་ལོ་ངོ་ ༡༠༠ འཁོར་བ་དང་བོད་ཞི་བས་བཅིངས་འགྲོལ་བཏང་ནས་ལོ་ངོ་ ༧༠ འཁོར་བའི་ལོ་ཡིན་པས། ལྗོངས་ཐད་གཏོགས་ལས་ཁུངས་ཀྱི་ཏང་འཛུགས་སྐྱོང་ལས་དོན་ཡག་པོ་བསྒྲུབ་རྒྱུ་དེ་ཧ་ཅང་གལ་འགངས་ཆེ་ལ་འགག་རྩ་ཞིག་ཀྱང་ཡིན། དུས་རབས་གསར་པར་ལས་ཁུངས་ཏང་འཛུགས་ཀྱི་འགན་འཁྲི་དང་ལས་འགན་ཡག་པོ་འཁུར་ནས། ལྗོངས་ཐད་གཏོགས་ལས་ཁུངས་ཀྱི་ཏང་འཛུགས་ལས་དོན་སྤུས་དག་སྒྲུབ་སྟེ། ལྗོངས་ཐད་གཏོགས་ལས་ཁུངས་འདི་ཉིད་ཆབ་སྲིད་ལ་སྣང་ཆེན་དང་སྒྲིག་ཁྲིམས་སྲུང་བ། འགན་འཁྲི་འཁུར་བ། ལས་ཆོད་ཆེ་བ་བཅས་ཀྱི་དཔེ་བཟང་ལས་ཁུངས་ཤིག་ཏུ་ཧུར་ཐག་སྐྲུན་དགོས་པའི་ནན་གསུངས་གནང་བ་རེད།།