སྤྱི་ཚེས ༡༦ ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཧུའུ་ནན་དུ་རྟོག་ཞིབ་དང་བརྟག་ཞིབ་གནང་བར་ཕེབས་ཡོད།ཉིན་དེ་གའི་ཕྱི་དྲོ།ཁོང་ཁྲེན་ཀྲའུ་གྲོང་ཁྱེར་རུའུ་ཁྲེང་རྫོང་ཝེན་མིང་ཡའོ་རིགས་ཤང་ཧྲ་ཀྲའུ་ཡའོ་རིགས་གྲོང་ཚོའི་༼ཕོ་ཁེབས་ཕྱེད་ཀའི་དྲོ་སྐྱིད་༽ཅེས་པའི་ཆེད་དོན་བཤམས་སྟོན་ཁང་དང་གྲོང་ཚོའི་ཞབས་ཞུ་ལྟེ་གནས།འཕྲོད་བསྟེན་ཁང་།ཧྲ་ཀྲའུ་དེང་རབས་གྲོང་གསེབ་ཡུལ་སྐོར་དཔེ་སྟོན་རྟེན་གཞི།ཝེན་མིང་ཡའོ་རིགས་ཤང་སློབ་ཆུང་དང་པོ།དེ་བཞིན་གྲོང་མིའི་ཁྱིམ་ཚང་བཅས་སུ་ཕེབས་ནས།ས་གནས་དེ་གས་གསར་བརྗེའི་སློབ་གསོ་སྤེལ་བ་དང་།དབུལ་སྐྱོར་ཐོན་ལས་གོང་འཕེལ་གཏོང་བ།དབུལ་སྒྲོལ་གྲུབ་འབྲས་སྲ་བརྟན་གཏོང་བ་བཅས་ཀྱི་གནས་ཚུལ་མཁྱེན་རྟོགས་གནང་ཡོད་པ་རེད།