ཉེ་ཆར། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཝང་ཅུན་ཀྲེང་གིས་རང་སྐྱོང་ལྗོངས་ཏང་ཨུད་རྒྱུན་ལས་ཨུ་ལྷན༼རྒྱ་ཆེ༽གྱི་ཚོགས་འདུ་གཙོ་སྐྱོང་གནང་ནས། རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་གཙོ་གནད་ལས་དོན་བཀོད་སྒྲིག་དོན་འཁྱོལ་བྱས་ཚུལ་གྱི་སྙན་སེང་གསན་པ་དང་། གོམ་སྟབས་རྗེས་མའི་ལས་དོན་ལ་ཞིབ་འཇུག་དང་བཀོད་སྒྲིག་གནང་བ་རེད།

ཚོགས་ར།

ཝང་ཅུན་ཀྲེང་གིས་བསྟན་དོན། རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པ་འཚོགས་ཚུན། ལྗོངས་ཡོངས་ཀྱིས་དོན་ཆེན་བཞི་དོན་འཁྱོལ་དང་ཁུལ་གསུམ་དང་མཐོ་ས་གཅིག་ནུས་ཤུགས་ཡོད་རྒུས་འཛུགས་གཏོད་ཀྱི་ལས་དོན་ལ་སྐུལ་འདེད་ཏན་ཏིག་བཏང་ཡོད། ཆེད་དོན་ཚོགས་ཆུང་ཁག་གིས་རང་སྐྱོང་ལྗོངས་ཏང་ཨུད་ཀྱི་གཅིག་གྱུར་བཀོད་སྒྲིག་ལྟར། འཕྲལ་མར་བྱ་སྤྱོད་སྤེལ་བ་དང་། ཇུས་འགོད་ཞིབ་ཚགས་བྱེད་པ། སྐུལ་འདེད་གཏིང་ཟབ་གཏོང་བ་བཅས་བྱས་ཏེ། ཚད་འབེབས་ཆོག་པ་དང་བཀོལ་སྤྱོད་རང་བཞིན་ཆེ་བའི་ལག་བསྟར་བསམ་འཆར་དང་ལས་ཀའི་ཇུས་གཞི་བཟོས་ནས། ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་རང་སྐྱོང་ལྗོངས་ཏང་ཨུད་ཀྱི་ལས་དོན་བཀོད་སྒྲིག་སྔར་བས་གསལ་ཐོ་ཅན་བཞིན་དོ་དམ་དང་། རྣམ་གྲངས་ཅན་བཞིན་དོན་འཁྱོལ། འདུ་འགོད་ཅན་བཞིན་སྐུལ་འདེད་བཅས་བཏང་བས། འགོ་ཁྲིད་ཀྱིས་ཚད་མཐོའི་མཐོང་ཆེན་དང་། རྩ་འཛུགས་ཀྱིས་ལག་བསྟར་ཞིབ་ཚགས། བསམ་ཕྱོགས་ཞིབ་ཅིང་ཕྲ་བ། འགན་འཁྲི་ཁ་གསལ་ལ་ཞིབ་ཚགས་པ། སྐུལ་འདེད་མགྱོགས་ལ་ནུས་པ་དང་ལྡན་པ་བཅས་ཀྱི་རྣམ་པ་བཟང་པོ་མངོན་ཡོད།

ཝང་ཅུན་ཀྲེང་གིས་ནན་བཤད་གནང་དོན། ཆབ་སྲིད་ཀྱི་ཚུགས་གནས་མཐོ་རུ་གཏོང་དགོས་ཤིང་།

ཡང་དག་པའི་སྲིད་དོན་ལས་རྗེས་ཀྱི་ལྟ་བ་བརྟན་པོ་འཛུགས་དགོས་ཤིང་། བརྟན་ཐོག་ཡར་འཕེལ་གྱི་ལས་ཀའི་རྩ་བའི་དགོངས་གཞི་མཐའ་འཁྱོངས་བྱས་ནས། སྔ་ཕྱི་བར་གསུམ་དུ་མི་དམངས་ཀྱི་ལངས་ཕྱོགས་རྩ་བའི་ལངས་ཕྱོགས་སུ་བརྩི་བ་དང་། ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་ཟབ་ཏུ་གཏོང་རྒྱུ་གཙོ་རྐང་དུ་འཛིན་པ། དམངས་འཚོ་ལེགས་གཏོང་དང་མི་སེམས་གཅིག་སྒྲིལ་བྱ་རྒྱུ་རྩ་བའི་འགོ་འཛུགས་ས་དང་དོན་ལ་བབས་སར་བརྩི་བ། མི་རིགས་ཁག་གི་མང་ཚོགས་ཀྱི་ཐོབ་སྣང་དང་། སྐྱིད་སྣང་། བདེ་སྣང་བཅས་ཟབ་ཏུ་གཏོང་རྒྱུ་རྩ་བའི་ཚད་གཞིར་འཛིན་པ། སྤྱི་ཚོགས་བརྟན་ལྷིང་སྲུང་སྐྱོང་དང་ཡུན་རིང་བདེ་འཁོད་ལ་སྐུལ་འདེད་གཏོང་རྒྱུ་རྩ་བའི་སྔོན་འགྲོར་བརྩི་བ། ཏང་གི་འགོ་ཁྲིད་རྩ་བའི་འགན་ལེན་དུ་བརྩི་བ་མ་ཟད། ཕྱི་ཚུལ་རིང་ལུགས་དང་དཔོན་ཉམས་རིང་ལུགས་ལ་ངོ་རྒོལ་བྱེད་པ་དང་། ཤུགས་སྣོན་ཆད་མེད་དང་སྙིང་རུས་གཏན་འཁྱོངས། རྨང་གཞི་འདིང་བ་དང་ཕུགས་ལ་ཕན་པའི་ལས་དོན་མང་ཙམ་སྒྲུབ་པ། ལྗོངས་ཡོངས་ཀྱི་མི་རིགས་ཁག་གི་ལས་བྱེད་པ་དང་མང་ཚོགས་ཀྱི་ཧུར་སེམས་སྐོང་འཐེན་གང་ལེགས་བྱེད་པ་བཅས་བྱས་ནས།

དམིགས་ཚད་ཀྱི་སྟོན་ཕྱོགས་མཐའ་འཁྱོངས་བྱེད་དགོས་ཤིང་།

གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་བྱེད་དགོས་ཤིང་། རང་འགུལ་ངང་གནས་ཚུལ་གསར་པར་ཞིབ་འཇུག་དང་གནད་དོན་གསར་པ་ཐག་གཅོད་ཧུར་ཐག་བྱས་ནས། རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་ཐོག་གཏན་འཁེལ་བྱས་པའི་ལས་དོན་གལ་ཆེན་གྱི་བཀོད་སྒྲིག་ལ་དམིགས་ཏེ། ཉམས་ཞན་གྱི་ལྷུ་ཚིགས་དང་མངོན་གསལ་དོད་པའི་ཞན་ཆ་འཚོལ་ཞིབ་ཀྱིས་གསར་གཏོད་ཀྱི་བསམ་བློ་དང་། ཁྲིམས་སྐྱོང་གི་བསམ་གཞིག མཐའ་ཚད་ཀྱི་བསམ་གཞིག་བཅས་སྤྱོད་མཁས་པོ་བྱས་ཏེ། གནད་དོན་ཐག་གཅོད་བྱེད་རིང་བྱ་གཞག་ཁག་འཕེལ་རྒྱས་འགྲོ་བར་སྐུལ་འདེད་གཏོང་བ་དང་བྱ་གཞག་ཁག་འཕེལ་རྒྱས་གཏོང་རིང་དཀའ་གནད་སེལ་གང་ཐུབ་བྱེད་དགོས།

སྤྱི་འདོམས་མཉམ་འདྲེས་བྱེད་ཤུགས་ཆེ་རུ་གཏོང་དགོས་ཤིང་། ལྗོངས་ཡོངས་བསམ་ཇུས་གཅིག་གི་འདུ་ཤེས་ཟབ་ཏུ་གཏོང་བ་དང་། མ་ལག་གི་འདུ་ཤེས་མཐའ་འཁྱོངས། ཕྱོགས་ཡོངས་གསར་གཏོད་དང་ས་ཁོངས་ཧྲིལ་པོ་གསར་གཏོད་མཐའ་འཁྱོངས་བཅས་བྱས་ཏེ། ཆ་ཤས་དང་སྤྱི་ཡོངས་དང་། མིག་སྔ་དང་ཡུན་རིང་། གཙོ་གནད་དང་སྤྱིར་བཏང་བཅས་ཀྱི་འབྲེལ་བ་ཐག་གཅོད་ཡང་དག་བྱས་ནས། ལས་དོན་གྱི་བརྒྱུད་རིམ་རང་བཞིན་དང་མཐུན་སྦྱོར་རང་བཞིན་མངོན་གསལ་དོད་པོ་ཡོང་བ་བྱེད་དགོས།

ལས་དོན་གྱི་འགན་འཁྲི་ནན་དུ་གཏོང་དགོས་ཤིང་། རིམ་ཁག་འགོ་ཁྲིད་ལས་བྱེད་པས་འགན་གཙང་འགན་ལེན་གྱི་ལས་དོན་གྱི་ལམ་སྲོལ་དོན་འཁྱོལ་ནན་ཏན་བྱས་ཏེ་སྔོན་ཚུད་ནས་བཀོད་འདོམས་དང་། དུས་ཐོག་ཏུ་བཀོད་གཏོང་། སྙན་སེང་འབྲེལ་མཐུད་ལ་ཤུགས་སྣོན་བཅས་བརྒྱབ་སྟེ་དོན་དག་གལ་ཆེན་དོན་འཁྱོལ་བྱེད་པར་དམ་འཛིན་ཡག་པོ་བྱེད་དགོས།

སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་ནན་པོ་བྱེད་དགོས་ཤིང་། འཇོན་ཐང་ལ་གཞིགས་ནས་ལས་བྱེད་པ་བཀོལ་སྤྱོད་དང་གྲུབ་འབྲས་དངོས་ལ་བརྟེན་ནས་དཔའ་བོ་གླེང་བའི་ཁ་གསལ་བའི་སྟོན་ཕྱོགས་བརྟན་པོ་འཛུགས་པ་དང་། སྣེ་གཉིས་ལ་དམ་འཛིན་གྱིས་ལྟེ་བར་སྐུལ་ཁྲིད་བྱས་ཏེ། ལས་རྗེས་མངོན་གསལ་དོད་པར་གཟེངས་བསྟོད་དང་། འགན་ནུས་སྒྲུབ་ཤུགས་མི་འདང་བར་འགན་འཁྲི་བདའ་འདེད་ནན་པོ་བཏང་ནས། སྒྲིག་ཁྲིམས་ནན་པོར་གཞིགས་ཏེ། རིམ་ཁག་འགོ་ཁྲིད་ལས་བྱེད་པར་ལས་ཀ་དོན་ཐོག་ཏུ་འཁྱོལ་བ་དང་མདུན་གྲལ་དུ་སྐྱོད་པའི་བྱ་སྤྱོད་ཀྱི་རང་རྟོགས་དང་ལས་ཀའི་རང་རྟོགས་ཟམ་མི་ཆད་པར་ཆེ་རུ་གཏོང་བའི་ཁྲིད་སྟོན་བྱས་ཏེ། འཛུགས་གཏོད་ཀྱི་ལས་དོན་ཁག་ལ་ཕན་འབྲས་གསར་པ་ཟམ་མི་ཆད་པར་ཐོན་པའི་འགན་ལེན་བྱེད་དགོས། །