རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་སྤྱི་ཟླ ༡༡ པའི་ཚེས ༡༡ ཉིན་ཀྲུའུ་ཞིའི་བཀའ་རྒྱ་ཨང་དྲུག་ཅུ་རེ་གཉིས་དང་ཨང་དྲུག་ཅུ་རེ་གསུམ་པར་མཚན་རྟགས་བཀོད་ཡོད་པ་རེད།

ཀྲུའུ་ཞིའི་བཀའ་རྒྱ་ཨང་དྲུག་ཅུ་རེ་གཉིས་པའི་ནང་། ༼རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩོམ་དབང་བཅའ་ཁྲིམས་ལ་བཟོ་བཅོས་རྒྱག་རྒྱུའི་སྐོར་གྱི་གཏན་འབེབས་༽དེ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྐབས་བཅུ་གསུམ་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་ཉི་ཤུ་རྩ་གསུམ་པའི་ཐོག་སྤྱི་ལོ ༢༠༢༠ ལོའི་ཟླ ༡༡ པའི་ཚེས ༡༡ ཉིན་གྲོས་འཆམ་བྱུང་ཡོད་པ་དང་། ད་ལྟ་ཡོངས་བསྒྲགས་བྱས་ཏེ། སྤྱི་ལོ ༢༠༢༡ ལོའི་ཟླ ༦ པའི་ཚེས ༡ ཉིན་ནས་བཟུང་ལག་ལེན་བསྟར་རྒྱུ་ཡིན་ཞེས་འཁོད་ཡོད་པ་རེད།

ཀྲུའུ་ཞིའི་བཀའ་རྒྱ་ཨང་དྲུག་ཅུ་རེ་གསུམ་པའི་ནང་། ༼ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དམག་ཞབས་ཐིམ་པའི་དམག་མིའི་འགན་སྲུང་བཅའ་ཁྲིམས༽དེ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྐབས་བཅུ་གསུམ་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་ཉི་ཤུ་རྩ་གསུམ་པའི་ཐོག་སྤྱི་ལོ ༢༠༢༠ ལོའི་ཟླ ༡༡ པའི་ཚེས ༡༡ ཉིན་གྲོས་འཆམ་བྱུང་ཡོད་པ་དང་། ད་ལྟ་ཡོངས་བསྒྲགས་བྱས་ཏེ། སྤྱི་ལོ ༢༠༢༡ ལོའི་ཟླ ༡ པོའི་ཚེས ༡ ཉིན་ནས་བཟུང་ལག་ལེན་བསྟར་རྒྱུ་ཡིན་ཞེས་འཁོད་ཡོད་པ་རེད། །