ཞི་ཅིན་ཕིང་དང་སློབ་གྲྭ་ཆེན་མོ་བའི་གྲོགས་པོ་རྣམ་པ་ཞེས་པའི་དེབ་ཉེ་དུས་ཀྲུང་གོ་གཞོན་ནུའི་དཔེ་སྐྲུན་ཁང་གིས་དཔེ་སྐྲུན་བྱས་ནས་རྒྱལ་ཡོངས་སུ་པར་འགྲེམས་བྱས་ཡོད།

དེབ་དེའི་ནང་བཅར་འདྲིའི་ནང་དོན་ཡིག་ཐོག་ཏུ་ཕབ་པ་ཁག ༢༥ བརྒྱུད། སྤྱི་ལོ ༡༩༨༣ ལོའི་ཟླ ༡༢ པ་ནས་སྤྱི་ལོ ༢༠༡༩ ལོའི་ཟླ ༧ པའི་བར། བློ་མཐུན་ཞི་ཅིན་ཕིང་ཧོ་པེ་ཀྲེང་ཏིང་དང་། ཧྥུའུ་ཅན། ཀྲེ་ཅང་། ཧྲང་ཧའེ་བཅས་སུ་ཕྱག་ལག་གནང་བ་ནས་ཀྲུང་དབྱང་དུ་ཕྱག་ལས་གནང་བར་ཕེབས་པའི་བར། སློབ་གྲྭ་ཆེན་མོ་བ་དང་འགྲོ་འོང་སྤེལ་རེས་དང་སེམས་གཏམ་གླེང་རེས་གནང་བའི་གཏམ་རྒྱུད་འཁོད་ཡོད་པ་དང་། ཁོང་གིས་གཞོན་ནུ་དང་ལྷག་པར་དུ་སློབ་གྲྭ་ཆེན་མོ་བ་རྣམས་ལ་སྔ་བར་ཕྱི་གསུམ་དུ་ཐུགས་ཁུར་དང་། དོ་ཁུར། གཅེས་སྐྱོང་བཅས་གནང་བའི་ཟིན་ཐོ་འཁོད་ཡོད། དེབ་དེ་ནི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གཞོན་ནུའི་ལས་དོན་སྐོར་གྱི་དགོངས་པ་གལ་ཆེན་སློབ་སྦྱོང་གཏིང་ཟབ་བྱེད་པའི་གསོན་ཉམས་ལྡན་པའི་ཀློག་དེབ་ཅིག་ཡིན་པ་དང་། དེས་དུས་རབས་གསར་པའི་གཞོན་ནུའི་ལས་དོན་ཡག་པོ་བསྒྲུབ་པ་དང་། དེང་རབས་གཞོན་ནུ་བདེ་ཐང་ངང་འཚར་ལོངས་ཡོང་བ་བྱེད་པར་དཔེ་སྟོན་གྱི་དོན་སྙིང་གལ་ཆེན་ལྡན་ཡོད། །