ཏང་གི་ཚོགས་ཆེན་བཅོ་བརྒྱད་པའི་ཚུན་དུ།  བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་ཀྲུང་ཧྭ་མི་རིགས་ཀྱི་བསྐྱར་དར་རླབས་པོ་ཆེའི་ཀྲུང་གོའི་ཕུགས་འདུན་མངོན་འགྱུར་བྱ་རྒྱུ་དང་།  ཏང་གི་དུས་རབས་གསར་པའི་སྟོབས་ཆེའི་དམག་དཔུང་དམིགས་འབེན་ལ་གཞིགས་ནས་བྱེད་ཕྱོགས་རྩ་དོན་གལ་ཆེན་རབ་དང་རིམ་པ་དང་། འཐབ་ཇུས་བཀོད་སྒྲིག་གལ་ཆེན་རབ་དང་རིམ་པ། ལས་དོན་གལ་ཆེན་རབ་དང་རིམ་པ་བཏོན་ནས་དམག་དཔུང་སྟོབས་ཆེན་བྱ་གཞག་གི་རྣམ་པ་གསར་པ་བཏོད་ཡོད།

དམག་ཡོངས་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་མཛུབ་ཁྲིད་དུ་བཟུང་རྒྱུ་རྒྱུན་འཁྱོངས་ཀྱིས་ཞི་ཅིན་ཕིང་གི་སྟོབས་ཆེའི་དམག་དཔུང་གི་དགོངས་པ་ལག་བསྟར་དང་།  དུས་རབས་གསར་པའི་དམག་དོན་འཐབ་ཇུས་བྱེད་ཕྱོགས་ལག་བསྟར་བྱས་ནས་བཞི་ལྡན་གསར་བརྗེའི་དམག་མི་གསོ་སྐྱོང་དང་། ཏང་གི་བཀའ་ལ་ཉན་པ་དང་ཏང་གི་རྗེས་སུ་འབྲངས་བའི་བསམ་བློའི་རྨང་གཞི་སྔར་བས་བརྟན་དུ་གཏོང་བ།  དམག་སྦྱོང་དམག་གྲབས་བྱེད་ཤུགས་ཆེ་རུ་གཏོང་བ།གསར་བརྗེའི་གཞི་རྒྱུ་སྔར་བས་རྒྱུན་འཛིན་ཐུབ་པ་བཅས་ཀྱིས་ཏང་གི་དུས་རབས་གསར་པའི་སྟོབས་ཆེའི་དམག་དཔུང་གི་དམིགས་འབེན་ཕྱོགས་སུ་གོམ་ཞེང་ཆེན་པོས་མདུན་སྐྱོད་བྱེད་བཞིན་ཡོད།

ཀྲེ་ཅང་ཤར་རྒྱུད་ཀྱི་ནགས་ཁྲོད་ཅིག་ཏུ།  ཤར་རྒྱུད་འཐབ་ཁུལ་མཚོ་དམག་དམག་གྲུའི་འཕུར་མདའི་ཐོན་ཤོག་ག་གེ་མོ་ཞིག་གིས་དངོས་འཐབ་རྣམ་པའི་རྒོལ་འགོག་ནང་སྦྱོང་བྱེད་བཞིན་ཡོད།  ནང་སྦྱོང་བྱེད་པའི་བར་གསེང་དུ།  དཔོན་དམག་རྣམས་ཀྱིས་ཀྲུའུ་ཞི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་པ་སློབ་སྦྱོང་ནན་ཏན་བྱས་པ་མ་ཟད་གྲོས་བསྡུར་དང་སྤེལ་རེས་ཀྱང་བྱས་ཡོད།  ཐོན་ཤོག་དེའི་ཆབ་སྲིད་ཨུ་ཡོན་ཅང་ལེའང་གིས།དམག་དཔུང་གི་ལོ་དེ་དག་རིང་གི་གོང་འཕེལ་དང་ཟུང་འབྲེལ་བྱས་པས་དཔོན་དམག་རྣམས་ཀྱིས་སློབ་སྦྱོང་བྱེད་པའི་བརྒྱུད་རིམ་ནང་གཏན་འཁེལ་གཉིས་ཐུབ་པ་བྱེད་པའི་ཐག་གཅོད་རང་བཞིན་གྱི་དོན་སྙིང་ལ་ངོས་འཛིན་གཏིང་ཟབ་ཐུབ་པ་དང་།  ཕུགས་བསམ་གྱི་འདུ་ཤེས་སྔར་བས་བརྟན་དུ་སོང་ཞིང་དམག་སྦྱོང་གི་སྤྲོ་སེམས་ཀྱང་སྔར་བས་ཆེ་རུ་སོང་ཡོད།  ཉེ་བའི་ལོ་ཤས་རིང་།  ང་ཚོས་ཞི་ཅིན་ཕིང་གི་སྟོབས་ཆེའི་དམག་དཔུང་གི་དགོངས་པའི་མཛུབ་ཁྲིད་འོགསྒྲིག་ཆས་གསར་བརྗེ་དང་། དམག་འཐབ་བྱ་ཐབས་ཀྱང་ཁེར་རྐྱང་ཁེར་རྒྱག་ནས་མཉམ་འབྲེལ་དམག་རྒྱག་ཏུ་བརྗེ་སྒྱུར་ཐུབ་པ།  དངོས་འཐབ་ཆུ་ཚད་ཀྱང་སྔར་བས་མཐོ་རུ་སོང་ཡོད།  དཔོན་དམག་རྣམས་ཀྱིས་གཅིག་ནས་དཀའ་ངལ་ལ་མི་སྐྲག་པ་དང་གཉིས་ནས་འཆི་རྒྱུར་མི་སྐྲག་པའི་འཐབ་འཛིང་སྙིང་སྟོབས་དར་སྤེལ་བཏང་ཡོད།  ཆ་རྐྱེན་ག་ཚོད་ཀྱིས་དཀའ་ཚེགས་ཆེ་བ་དང་ཁོར་ཡུག་ག་ཚོད་ཀྱིས་སྡུག་པ་ཡོད་ཚེ། དེ་ཙམ་གྱིས་འདུ་ཤེས་བརྟན་དུ་གཏོང་ཐུབ་པ་དང་།  དུས་དང་རྣམ་པ་ཀུན་ཏུ་དམག་གྲབས་ཐུབ་པ་དང་དུས་དང་རྣམ་པ་ཀུན་ཏུ་དམག་འཐབ་ཐུབ་པའི་རྣམ་པ་རྒྱུན་འཁྱོངས་བྱེད་ཐུབ་ཅེས་གསུངས་ཡོད།

ཡུན་ནན་དང་ཀུའེ་ཀྲའུ་མཐོ་སྒང་གི་དབུས་སུ། སྐམ་དམག་གི་ཚོགས་པའི་དམག ༧༥ ཡི་མཁའ་ཟོན་རྒོལ་རྡུང་ལུའི་ཤོག་ག་གེ་མོའི་གནམ་གྲུ་ཁ་ཤས་ཤིག་གིས་མཚོ་འཕགས་མི་འདྲ་བ་དང་མཁའ་ཁོངས་མི་འདྲ་བ།  ས་ཁམས་མི་འདྲ་བའི་ཆ་རྐྱེན་འོག་ཏུ་གནམ་ས་མཉམ་འདྲེས་དང་འཕྲལ་སྒྲུབ་འཕྲལ་སྐྱོབ།  གནམ་གྲུ་མི་གཅིག་པའི་མཐུན་སྦྱོར་སོགས་ཀྱི་སྦྱོང་བརྡར་བྱེད་བཞིན་ཡོད།  ཡིང་ཀྲང་ཧྥན་མིང་སུང་གིས།  སྐམ་དམག་གི་ངོས་སྙོམས་དམག་འཐབ་ནས་ལངས་གཟུགས་རྒོལ་འགོག་ཏུ་བརྗེ་སྒྱུར་བྱས་པའི་རྣམ་པ་གསར་པའི་དམག་འཐབ་སྟོབས་ཤུགས་ཤིག་ཡིན་པའི་ཆ་ནས་དཔོན་དམག་རྣམས་ཀྱིས་སྦྱོང་བརྡར་གྱི་ནང་དོན་དང་སྦྱོང་བརྡར་བྱེད་སྟངས་རྒྱུན་ཆད་མེད་པར་གསར་པ་གཏོད་དེ་ཁོར་ཡུག་དང་རྙོག་འཛིང་ཆེ་བའི་གནམ་གཤིས།  ཉེན་ཁ་ཆེ་བའི་ས་ཁོངས་བཅས་སུ་ཚད་གཞི་མཐོ་པོའི་སྒོ་ནས་ཉིན་མཚན་དབྱེར་མེད་དང་འཕུར་སྐྱོད་སྦྱོང་བརྡར་ལེགས་འགྲུབ་བྱས་ཏེ་སྒོ་ཀུན་ནས་དམག་དཔུང་གི་གནམ་ས་མཉམ་འདྲེས་དང་མགྱོགས་མྱུར་རྒོལ་རྡུང་བྱེད་པའི་འཇོན་ཐང་སྦྱོང་བཞིན་ཡོད།  སྦྱོང་བརྡར་ཚང་མ་དམག་འཐབ་དངོས་ཀྱི་ཚད་གཞི་ལྟར་ལེགས་གྲུབ་བྱས་ན་གཞི་ནས་འབོད་ན་ཡོང་ཐུབ་པ་དང་།  ཡོང་ན་འཐབ་ཐུབ་པ།  འཐབ་ན་རྒྱལ་ཁ་ལེན་ཐུབ་པ་བཅས་ཀྱི་མཁའ་ཐོག་རྒོལ་རྡུང་གི་དམག་མི་རྩེ་གྲ་ཞིག་བྱེད་ཐུབ་ཅེས་གསུངས་ཡོད།

མེ་ཤུགས་འཕུར་མདེལ་དམག་གི་ཤར་ཕྱོགས་ལུའི་ཤོག་དང་པོར།  ལས་ཁུངས་དྲག་ཇུས་དང་ཡིང་ལན་དམག་དཔོན་བཅས་ཚུད་པའི་མང་ཚོགས་རང་བཞིན་གྱི་དམག་སྦྱོང་དྲག་རྩལ་འགྲན་བསྡུར་གྱི་བྱེད་སྒོ་ཞིག་སྤེལ་བཞིན་ཡོད་པ་དང་།  དཔོན་དམག་རྣམས་ཀྱིས་ཆུ་ཚོད་བཅུ་གཉིས་ནང་ཚུན་དུ་དམག་འཐབ་འཆར་འགོད་དང་། ས་བཀྲའི་ཐོག་རི་མོ་འབྲི་བ།  དམིགས་བསལ་གནས་ཚུལ་ཐག་གཅོད་བྱེད་པ་སོགས་ཀྱི་གཙོ་གནད་སློབ་ཚན་སྡེབ་གཅིག་ལ་ལེགས་གྲུབ་ཐུབ་པ་བྱེད་དགོས་ཀྱི་ཡོད།  ལུའི་ཤོག་དེའི་དྲག་ཇུས་དཔོན་ཧན་ཡུང་ཧྲེང་གིས།  སྦྱོང་བརྡར་ཁྲོད་དུ་དྲང་པོ་དང་ཁག་པོ། ནན་པོ། བདེན་པ་བཅས་ཀྱི་སྲོལ་རྒྱུན་བཟང་པོ་བྱས་ནས་དམག་དཔུང་གི་དམག་འཐབ་ནུས་པ་སྤྱི་ཡོངས་ནས་མཐོར་འདེགས་ཡོང་བ་བྱེད་དགོས།  དམག་འཐབ་དངོས་ཅན་གྱི་སྦྱོང་བརྡར་བྱ་རྒྱུ་གཏིང་ཟབ་དང་དོན་དངོས་ལ་ཕྱོགས་རྒྱུར་རྒྱུན་མཐུད་སྐུལ་འདེད་གཏོང་རྒྱུ་དང་།  དྲག་ཇུས་མི་སྣའི་བཀོད་འདོམས་འཆར་འགོད་ནུས་པ། ཡིང་ལན་དམག་དཔོན་གཙོ་བོའི་དམིགས་བསལ་གནས་ཚུལ་ཐག་གཅོད་བྱེད་པ། སྐབས་བསྟུན་ཐག་གཅོད་བྱེད་པའི་ནུས་པ་གཙོ་གནད་ཐོག་མཐོ་རུ་བཏང་སྟེ་ཞི་ཀྲུའུ་ཞིས་བཏོན་གནང་བའི་བཀོད་འདོམས་ནུས་པ་ཡག་པོ་སྦྱོང་བ་དང་།  དམག་འཐབ་འཇོན་ཐང་ཡག་པོ་སྦྱོང་བ།  དམག་འཐབ་སྤྱོད་ཚུལ་ཡག་པོ་སྦྱོང་བ་བཅས་ཀྱི་བླང་བྱ་དོན་ཐོག་ཏུ་འཁྱོལ་བ་བྱ་རྒྱུ་ཡིན་ཞེས་གསུངས་ཡོད།།